|
 |
 |
 |
ربنا باعتلك رسالة ليك أنت
الرسالة دى تحطها فى قلبك طول سنة 2026
يالا اختار رسالتك من الهدايا الموجودة وشوف ربنا هايقولك ايه
|
|||||||
|
|
أدوات الموضوع | انواع عرض الموضوع |
|
رقم المشاركة : ( 1 )
15 - 06 - 2014, 10:52 PM
|
|||||||||||
|
|||||||||||
 الراجل ده اسمه جوان " Juan" بيشتغل فى مصنع تجميد و توزيع أسماك فى يوم بعد ميعاد انصراف الموظفين دخل غرفة التبريد " الفريزر" و لكن فى لحظة اتقفل الباب عليه و اتحبس جوة ، الموظفين كلهم كانوا إنصراف و مفيش اى مجال ان حد يساعده و رغم انه عارف ان اى محاولة للنجدة ها تفشل ، صرخ بأعلى صوت و فضل يخبط على الباب بكل قوته بعد 5 ساعات كان على وشك الموت ، دخل واحد من الجماعة بتوع أمن المصنع و فتح الباب و أنقذه ! بعد ما الموقف عدى و الراجل طلع بالسلامة ... سألوا الحارس ، هو انت ازاى عرفت ان فيه حد جوة الثلاجة ؟! الراجل قالهم : أنا بشتغل فى المصنع دة بقالى 35 سنة ، مئات الموظفين بيدخلوا و يخرجوا ، و لكن كلمة " صباح الخير " و " سلام .. اشوفك بكرة " اللى بيقولهالى الرجل دة مختلفة لأنه ببساطة من الناس القليلين اللى بيتعاملوا معايا على انى بنى آدم !! النهاردة بعد ساعات العمل افتكرت انى ما سمعتش الراجل دة و هو بيسلم عليا و هو مروّح ، فعرفت ان فيه حاجة غلط ، فضلت ادور عليه فى المصنع كله لحد ما فتحت الفريزر و لقيته ! لما قريت القصة دى صدقت فعلاً ان الكلام اللى بنقوله له تأثيره على اللى حوالينا حتى لو "صباح الخير " لو اهتمينا بكل واحد بصفة شخصية و اتعاملنا معاه على انه انسان موجود بصرف النظر عن اى اختلاف على أى مستوى الموضوع هيفرق كتير ... و أضعف الايمان لو جالك يوم و اتزنقت ف "فريزر" ربنا يكرمك و تلاقى حد يطلعك 
|
|
| قد تكون مهتم بالمواضيع التالية ايضاً |
| الموضوع |
| مش هتصدق مين انقذته من الموت😳❗️..اجمل المعجزات القمص بطرس جيد ❤️ #قناة_الحرية |
| زي ما انقذته انقذنا |
| اخلاقه |
| شعب اخلاقه عالية |
العرض الشجري