اعرف انبا كاراس بل بالعكس كنت اخا من صورته ولا احبها وليلة امتحان التشريح الشفوي وبالصدفة قرأت قصته لاني في كل امتحان احب اشتري نبذة او كتاب لاحد القديسين لاتشفع به . المهم بعدما قرأت قصته صليت وعملت تمجيد وقلت له اتصرف انت في الامتحان بكره لاني خايفة جدا وانت عارف يعني اية شفوي . وكانت اول مفاجأة اني دخلت الامتحان وكانت الدكتورة الممتحنة من طب القاهرة واسمها هيلانة ( دا اسم القديسة هيلانة الملكة) وانبا كاراس اخو الامبراطور ثؤدسيوس - يعني كان لازم يبعت ملكة - قلت كدا في نفسي لان اللي حصل دا كان عجيب جدا ربنا عالم بينا واللي بيحصل معانا في الشفوي . سألتني الدكتورة في فرع لم اكن اعرف عنه شيئا وكانت كل ما تسألني سؤال كانت هي اللي تجاوبه . وبعدين قالت لي " استطيع كل شئ في المسيح الذي يقويني " واديتني 34 من 35 ودي درجة حتى لو كنت ذاكرت الفرع من الجلدة للجلدة ماكنتش هاحصل عليها !!!!!! والمفاجأة التانية اني كنت اخر اسم عند الدكتورة وكنت والمفروض ادخل عند دكتور تاني كان متعصب جدا واعطى كل زملائي درجات سيئة جدا وكل الناس كانوا مندهشين ازاي انا دخلت عند الدكتورة دي وازاي جبت الدرجة دي . وكل ما اطلب طلب من رب المجد بشفاعة انبا كاراس بحس انه دايما بيسمعني وبحس انه معايا .
18 - 05 - 2014, 01:50 PM
العرض الشجري