إثنين خدام من القاهرة كانوا بيخدموا إحدى قرى الصعيد من حوالى 30 سنة وفى يوم وهما راجعين من خدمة القرية ركبوا القطار مساء وكان الدنيا شتاء والبرد شديد وقعدوا جنب شباك زجاجه مكسور . والخادم اللى جنب الشباك من التعب نام فقام الخادم التانى قال فﻻن نام والهوا شديد بيخبط فيه . انا اقوم اقف اسند ظهرى على الشباك من ناحية اسد الهواء عن أخويا اللى نايم ومن ناحية تانية اعتبرها فرصة للصلاة وفعلا وقف وعمل كدة . وقبل القطار مايوصل محطة مصر قعد الخادم مكانه وصحى أخوه اللى نايم فقاله ايه ده احنا وصلنا بسرعة كدة ؟ تصدق انى لم أشعر بالبرد خالص وانا نايم ؟! رد عليه الخادم التانى وقاله وﻻ أنا كمان حسيت بالبرد ! الخادم اللى نام قال لأخوه عايز أقولك حلم شفته وانا نايم . قاله شفتك وانا نايم واقف فى الشباك ومانع عنى الهوا وشفت المسيح واقف فى ظهرك ومانع عنك انت كمان الهوا !
16 - 02 - 2014, 08:18 PM
العرض الشجري