|
 |
 |
 |
|
رقم المشاركة : ( 1 )
26 - 11 - 2013, 06:42 PM
|
|||||||||||
|
|||||||||||
|
جربت تنام وانت في مرة الجوع بيقطع مصارينك ؟؟ جربت تعيش علي ذكرى اصحاب دلوقتي خلاص مش فاكرينك ؟؟ جربت تصارح بنوته باللي مخبيه من نحيتها ؟؟ وسمعت الرد في نظراتها انك اصلا مش في حياتها !!... عجبك مرة تليفون في محل وسعره مشاك بالزوق بتداري يوماتي في موبايلك اكمنه عشان بقي ملزوق جربت تطلع قمصانك وانت بتتمختر في الحته علشان تخفي حزام متقطع مليون حته جربت في مرة تروح رحله وتحس انك فيها لوحدك ؟؟ من ملل اليوم قاعد تنفخ ومقضيها بص في ساعتك !! جربت تشوف يوم شغلانه ويوم ماتلاقي تبقي سخيفه جربت في يوم تحلم انك تخرج مرة بـهدمة نضيفه ؟؟ طيب سيبك ماللي انا بقي قولته جربت في يوم تلقى ابوك مرمي علي ارض المستشفي مش لاقي فلوس العملية علشان حالته صعبة وناشفه !! جربت تشوف قدام عينك ابنك بيموت جاله هبوط من قلة اكله ومطلعلوش صوت جربت حبيبي انت وهو كل الأحاسيس المذكورة !! اقصى مشاكل تقلب مودك لو مكسبتش ماتش الكورة كاتكم نيله ,, فوقوا شوية وركزوا في الناس المطحونه الهم يوماتي بيملاهم ونافخهم زي البلونه خليهم لحياتك عبره واوعي تكون ليهم يوم ابره الناس دي فعلا تعبانه اوعي تكلمهم ببرود اكمنك بتلوغ في محشي وفرحان بتربيلي في خدود الدنيا دي فيها نوعين مالناس فيه ناس مبسوطه وفرحانه سنوياً بتسافر بره وناس تانيه الهم بيقتلها في اليوم يجي ميت مليون مرة ... مايكل سامي 
|
|
العرض الشجري