|
 |
 |
 |
|
رقم المشاركة : ( 1 )
08 - 10 - 2013, 08:01 AM
|
|||||||||||
|
|||||||||||
|
فى مدرسه خاصه فى احدى الدول العربيه
عملت اعلان تطلب مدرسين مصريين و تم طلب شهادات التخرج و سنوات الخبره وتقدم عدد كبير طبعا وتم قبول مجموعه منهم وتم سفرهم جميعا للدوله العربيه ولكن عند فحص المستندات البطاقه وشهاذة الميلاد عرفوا ان فى مدرس مسيحى وادارة المدرسه كانت عايزه ترجعه لكنهم لم يجدوا اى مدرس تانى له نفس التخصص فأضطرو اسفين انهم يخلوه لكن بشرط انه ميتكلمش عن المسيحيه ولا حتى عن المسيح ولا يجيب سيرتهم وفعلا وافق على الشرط واستلم الشغل وبعد كام شهر لقيوا الولاد حواليه بأستمرار فقالوله انت بتتكلم عن المسيح فقاله ابدا محصلش قالوله اومال الطلبه ليه بيكونوا حواليك على طول فقالهم معرفش ليه اسألوهم لكنهم مصدقهوش ووضعوا كاميرات مراقبه داخل الفصل علشان يتأكدوا انه مش بيتكلم عن المسيح وفعلا لقيوه مش بيتكلم عن المسيح فسألو الولاد انتم ليه بتحبوا مستر فلان فرد عليهم لانه هو المدرس الوحيد اللى بيهتم بينا واخد ارقام موبايلاتنا وكل يوم يتصل بينا وطمن علينا اننا وصلنا البيت واللى يغيب يروح يسأل عليه من غير ما يعرفه معرفه شخصيه وكمان اللى مش عارف درس يساعده ويشرحه له فى الفسحه وبيعملنا بكل حب واحترام بالرغم لا توجد صله قرابه بينا وبعد فتره بقى المدرس محبوب من كل المدرسه اداره وطلاب وعمال لانه كان انجيل معاش لم يتكلم عن المسيح بلسانه لكن كل تصرفاته كانت تشهد لأسم الرب يسوع كان نموذج مشرف لكل المسيحيين وكان بالفعل انجيل معاش وكان بينفذ الايه اللى قالها بولس الرسول نسعى كسفراء عن المسيح كأن الله يعظ بنا 
|
|
العرض الشجري