معجزة للقديس ابسخيرون القلينى
انا طالبة في 3 كلية تجارة عربي كان عندى مادة صعبة و غلسة اوى اسمها ادارة افراد عاوزة حفظ كتير و انا مش بقدر احفظ خالص و مليانا نظريات كتير و اتشفعة في المادة دى بالقديس ابسخيرون و دخلت الامتحان حليت يعنى معقول و طلعت بقول يارب انجح انا رميها عليك و طلعت النتيجة الحمدلله نجحت و جبت فيها جيد بس دا بجد بشفاعة القديس ابسخيرون جيد دى كتيرة عليا اوى
+
يقول ابونا اسرائيل كاهن كنيسة العذراء بكوديا النصارى باسيوط انه اثناء صلاة القداس الالهى حصل لى مغص كلوى شديد جدا حتى انى اسرعت فى صلوات القداس حتى اذهب الى اقرب طبيب بالبلدة ولكن لم اجد احد من الاطباء فاسرعت بالتوجه الى مستشفى ديروط الاميرى وتقابلت مع مجموعة من الاخوة الاطباء ووجدونى فى اشد التعب من المغص الكلوى فاسرعوا باعطائى 3 ابر سرنجات نوفالجين وايبكوتيل وفوئالجين وقاموا بعمل تحاليل واشعة فورية وكان التشخيص بوجود نسبة املاح عالية +نسبة اوكسيلات وقال لى الدكتور رفعت وليم لا تخف ياابونا دول شوية رملة بسيطة وسوف ينزلوا انشاء الله بعد اخذ العلاج الكثير المكتوب بالروشته وذهبت الى المنزل وبعد زوال مفعول السرنجات رجع لى ايضا المغص الكلوى ولم اتبول لفترة كبيرة اوى مما رفع نسبة البولينا وشعرت بضيق شديد وصرخت الى العذراء مريم ومارمينا والبابا كيرلس شفاعائى وانا فى اخر ضيق اطلب من ربنا والقديسين ان يسرعوا بنزول البول المخزن وقضيت ليلة كاملة كلها الم
وفجأة ظهر لى احد القديسين راكب على فرس ابيض وعلى رأسه تاج عظيم وبيده حربة طويلة فى اعلاها صليب كبير من نور ووجه به تسلخات كما رأيته بالصورة التى توجد بستارة كنيسته بالبيهو
وقال لى :" انت بتطلب كل القديسين والعذراء مريم ولم تطلبنى انا " فقلت له انا لم اعرفك فقال لى القديس انا ابا سخيرون اللى نقلت كنيستى من قلين للبيهو وانا يا ابونا زعلان من ناس كتير علشان الناس بتطلب العدرا ومارمينا والبابا كيرلس وابانوب وانا قاعد فى السما من غير شغل
فقال له ابونا انت غاير لما الناس بتطلب العذراء ومارمينا والبابا كيرلس وابونا عبد المسيح فقال له انا مش غاير ولكن انا عاوز امجد اسم ربنا على ايدى فقلت له اعمل معايا معجزة وانا احدث الناس عنك فقال له القديس ابا سخيرون انت ياابونا فيك ثلاث حصوات وفجأة اختفى القديس
وفخأة ذهبت الى دورة المياه لكى الرب يتحنن وينزل البول المخزن وفعلا حدثت المعجزة
البول تدفق بغزارة شديدة وشعرت براحة وسعادة وشكرت ربنا والقديس ابا سخيرون القلينى وقلت للاسرة ولكل الناس الذين رأونى وقلت لهم ان ابا سخيرون اخرج لى الحصوات وفعلا ذهبت الى المستشفى لاجراء الفحوص والتحاليل والاشعة مما اذهل الدكتور رفعت وليم وقال لى بسرعة كدة ياابونا نزلوا الحصوات والاملاح .. ماذا حدث ؟ فشرحت له المعجزة وانا والحمدلله اشكر ربنا على معجزاته بواسطة قديسه العظيم ابا سخيرون القلينى الذى اطلب صلاته دائما
بركة وصلاة وشفاعة الشهيد اباسخيرون ناقل كنيسته من قلين الى البيهو تكون معانا امين
+
رفض ذكر الاسم
روى هذه المعجزة عن الشهيد العظيم قائلاً :-ً
الموضوع منقول من منتديات المسيحي الجريء
القديس أبسخيرون القلليني عمل معايا معجزه كبيره جداً
كان ليا أوراق ممنوع تأشيرها وده بسبب بطء الإجرائات في مكان .. وقعد الورق حوالي أكتر من شهرين
وكانت أعصابي تعبانه جداً ...ابتديت اطلب القديس أبسخيرون القلليني
وتم التأشير على الورق بعد طلبي وتشفعي بالقديس بفتره قليله
معجزة نقل الكنيسة
هي كنيسة القديس أبسخيرون التي كانت بقلين (بمحافظة كفر الشيخ)، نقلها القديس إلى البيهو بمحافظة المنيا بالصعيد، ولا زالت قائمة إلى اليوم.
+ أعتادوا أهل قلين أن يعينوا ليلة محددة من كل سنه لإقامة عددًا من الزيجات معًا، ربما بسبب صعوبة المواصلات في ذلك الوقت، ولتوافقها بوقت جمع المحاصيل. وفي أحد هذه الاحتفالات إذ كان محدد زواج سبع زيجات وكان بالكنيسة حوالي مائة شخص مجتمعين في الكنيسة ، كان عدو الخير قد أثار المضطهدين عليهم،ولما كانوا قادمين للهجوم على الكنيسة علموا المؤمنين بذلك فأغلقوا ابواب الكنيسة كلها وكانوا يتشفعون دائما بالقديس أبسخيرون شفيع بلدتهم وكنيستهم لكى ينقذهم من أيدى هولاء الاشرار . وفي أثناء الليل قبل أن ينفذ المضطهدون ما في نيتهم نقلت الكنيسة بمن هم فيها إلى البيهو بصعيد مصر وأنتقل معهم بئر المياه والنخلة التى كانت أمام الكنيسة ( ومازال هذا البئر موجود الى الأن امام الكنيسة ومياهة تصنع المعجزات). وفي الصباح خرج الناس من الكنيسة ليجدوا أنفسهم في بلد غير بلدهم ولكن الكنيسة كنيستهم .
+ كان القديس يعلم ما سيحدث لكنيسته لذلك قبل نقل الكنيسة بليلة واحدة ذهب القديس الى البيهو ليشترى الأرض الذى سينقل عليها كنيسته وبالفعل أشترى الأرض من أحد الأعراب بدينار ولكن كانت تلك الأرض عبارة عن كوم من التراب ولان الله لا يرضى أن كنيسته تنقل على أرض ليست نظيفة فأرسل رياح شديدة أزالت تلك الأتربة وأصبحت الأرض نظيفة جدا لكى تكون مستعدة لأستقبال الكنيسة عليها غدا ( المجد لك يا رب يا صانع العجائب )
+ نرجع مرة أخرى للمؤمنين الذين كانوا بالكنيسة واصبحوا فى بلد أخرى . كان لهم مشكله وهى كيف سيرجعون مرة أخرى الى بلدهم قلين والى بيوتهم .. فظهر لهم القديس دون أن يعرفوه، وعرض عليهم مساعدته فأخذهم الى شاطئ النيل، وأجر لهم مركب على حسابه لكى يوصلهم الى قلين وكانت المسافة تستغرق من البيهو الى قلين بالمركب حوالى عشر أيام ولكنهم وصلوا فى يوم واحد وعند وصولهم اختفى القديس من وسطهم فعرفوا انه الشهيد العظيم شفيعهم أباسخيرون القلينى ، فتعجب صاحب السفينة وآمن بالمسيحية، ونذر ان مكسب كل يوم يعطى نصفة الى كنيسة أباسخيرون القلينى ( وتوجد أجزاء من هذه المركب بالكنيسة ايضا ) و لما وصلوا المؤمنين الى بلدهم قلين لم يجدوا الكنيسة بالطبع لأنها نقلت الى البيهو، ولكن وجدوا مكانها بركة ماء موجودة حتى الأن وتسمى بحيرة القليني.
ربما يسأل البعض لماذا البيهــو بالذات ؟
يحكى التقليد أن القديس أباسخيرون الجندى حينما اخذ للتعذيب من أتريب الى أنصنا رست السفينة بالقرب من قرية البيهو وظهر له السيد المسيح على سطح السفينة عند قرية البيهو تقريبا وقال له : ( لا تخف يا حبيبى أباسخيرون أنا معك وأقويك ) وتجمدت المياه ولم يستطيعوا الجنود تحريك السفينة فأكرمه أهل البيهو فقال لهم القديس لو سمح الرب لي وأراد أن يذكر أسمى سوف تصير لى فى بلدتكم كنيسة .
القديس يطلب التشفع به
كتب القس/ أسرائيل أسحق كيرلس كاهن كنيسة السيدة العذراء الأثرية بالكوديا النصارى- ديروط - أسيوط
تلك المعجزة التى حدثت معه
حدث لى مغص كلوى شديد جدا وبعض الفحوصات والتحاليل كان التشخيص هو وجود نسبة أملاح عالية + نسبة أوكسيلات . قال لى د/رفعت لا تخف يا أبونا دول شوية رمله بسيطة وسوف ينزلوا ان شاء الله بعد أخذ العلاج الكثير المكتوب بالروشتة وذهبت الى المنزل وبعد زوال مفعول السرنجات رجع لى أيضا المغص الكلوى مرة أخرى ولم أتبول لمدة يومين مما رفع نسبة البولينا وشعرت بضيق شديد وصرخت الى العذراء مريم ومارمينا والبابا كيرلس والشهيد أبانوب وأبونا عبد المسيح المناهرى وهم شفعائى وأنا فى أخر ضيق أطلب من ربنا والقديسين أن يسرعوا بنزول البول المخزن عندى وقضيت ليله كلها ألم وفجأة ظهر لى أحد القديسين راكب على فرس أبيض وعلى رأسة تاج عظيم وبيده حربة طويلة فى أعلاها صليب كبير من نور وقال لى : " أنت بتطلب كل القديسين والعذراء مريم ولم تطلبنى أنا " فقلت له أنا لم أعرفك فقال لى : " أنا القديس اباسخيرون القلينى اللى نقلت كنيستى من قلين للبيهو وأنا يا ابونا زعلان من ناس كتير علشان الناس بتطلب العذراء مريم والقديسين ومش بتطلبنى مع انى أنا اتعذبت أكتر من قديسين كتير أنتم بتطلبوهم وأنا قاعد فى السما من غير شغل " فقلت له أنت غاير لما الناس بتطلب العذراء والقديسين فقال لي القديس " أنا مش غاير ولكن أنا عايز أمجد أسم ربنا على أيدى " فقلت له أعمل معايا معجزة وأنا أحدث الناس عنك فقال لى : " أنت يا ابونا عندك ثلاث حصوات " وفجأه أختفى القديس .
وفجأه ذهبت الى دورة المياه لكى الرب يتحنن وينزل البول المخزن وفعلا حدثت المعجزة . البول تدفق بغزارة شديدة وشعرت براحة وسعادة وشكرت ربنا والقديس أباسخيرون القلينى على المعجزة وقلت للأسرة وكل الناس الذين راونى قلت لهم أن القديس اباسخيرون أخرج لى الحصوات وفعلا ذهبت الى المستشفى لاجراء الفحوصات والتحاليل مما أذهل الطبيب د/رفعت وقال لى بسرعة كدة يا ابونا نزلوا الحصوات والأملاح ...ماذا حدث ؟ فشرحت له المعجزة وأنا والحمد لله أشكر ربنا على معجزاته بواسطه قديسيه القديس أباسخيرون القلينى الذى أطلب صلاته دائما وهو يطلب منكم التشفع به بأيمان وسوف ينفذ طلباتكم لو كانت لصالحكم
أبسخيرون القللينى وشفاعته القوية مع الطلبة
الاسم | م . إ
تروى لنا معجزة أقامها الله لها على يد الشهيد العظيم أبسخيرون القللينى
أثناء دراستى فى السنة النهائية من الكلية التى كنت ملتحقة بها وكنت من الطلبة المتفوقين الحريصين على مستقبلهم
و دراستهم لتحقيق اهدافهم المستقبلية التى تحطمت من بعد ما حدث
إن كان الرب معنا .. فمن علينا ؟
كان فى عندنا مادة سهلة جداً ومحتواها مش كبير لكن كان معروف عن الدكتورة اللى بتدرس المادة دى أنها لازم تنزل
45 % من الدفعة اللى هى بتدرسلهم المادة دى بشرط أن يكون النسبة دى اغلبهم من المسيحيين
واللى بيشيلها ما بينجحش فيها غير بعد تلات سنين وينجح بعد كدا ويتخرج
ده إذا اتخرج يعنى لأنى شفت بنفسي نماذج كتير وبنسب كبيرة من الناس اللى شالو المادة دى تلات سنين فعلاً
فى العالم سيكون لكم ضيق .. ولكن ثقوا أنا قد غلبت العالم
المهم امتحنت فى التيرم الاول كل المواد وحليت كويس جداً وظهرت النتيجة ولقيت
أن كل المواد عندى تقديراتها بتتراوح ما بين جيد وجيد جداً
ولكن الكارثة الكبيرة إنى لقيت نفسي شايلة المادة دى
انهارت وتعبت نفسياً جداً
إحساس صعب جداً ان حد يكون ناجح طول حياتو وييجى مرة واحدة يلاقى نفسو مستقبلو ضاع
وده طبعاً لأنى فى الليسانس ودى اخر سنة ولو امتحنت المادة دى نتيجتى هتطلع دور سبتمبر
وخلصت السنة ونجحت فى كل المواد بتقديرات عالية بس للأسف المادة دى مترفعتش
إتضايقت للمرة التانية لأنى كان عندى أمل كبير انها تترفع ونتيجتى تطلع كويسة .. صعب جداً ان اى انسان يبنى آمالو على حاجة مش هتحصل
ادعونى فى وقت الضيق .. أنقذك فتمجدنى
كنت ساعت النتيجة قاعدة فى أوضتى منهارة مبكلمش حد خالص وقعدت أعاتب ربنا وأقوللو يارب دنا مقصرتش وإنت عارف ..
أنا يارب مش عارفة أتصرف ازاى .. دنا مليش أب تانى غيرك
وفى وسط منا منهارة قريت معجزة عن الشهيد أبسخيرون القللينى ومكتوب ان أبونا بيقول إن أبسخيرون زعلان اوى علشان محدش بيطلب شفاعتو زى بقية القديسين ....
بصيت لصورتو الموجودة فى اوضتى وقعدت أعاتبو
مش انت عاوز تعمل معجزة ؟ انا محتاجالك ... الدكتورة دى صحيح مضطهدانا لكن إنت اتحملت اضطهادات وعذابات كتيرة أكبر من اى اضطهاد او ضيقة انا بمر بيها
بضيقات كثيرة ينبغى أن ندخل ملكوت السموات
وجه وقت الامتحان وقعدت أذاكر وانا يائسة ومحبطة وكان الشيطان مش سايبنى و بيحاربنى .. وعمال يقوللى إيه فايدة مذاكرتك منتى كدا كدا شايلاها شايلاها
بجد كنت تعبانة نفسياً أوى ومكنتش حتى عارفة أنا هدخل لجنة الامتحان وأحل ايه تانى فى الورقة زيادة عن اللى حليتو قبل كدا
صليت لربنا وانا بعيط وعينيا مليانة دموع وبقوللو يارب متسيبنيش وايدك تكون قبل ايدى .. انا صحيح يارب خاطية لكن انت يارب لم تأتى لتدعو ابراراً بل خطاة إلى التوبة
ودخلت اللجنة وكان الامتحان سهل اوى بس المشكلة إنى ضعفت ثقتى فى نفسي من التجربة الأولى خلانى مش مركزة
ندهت على ابسخيرون القللينى واتشفعت بمارمينا والبابا كيرلس
وحليت فى الورقة كمان حل مختصر مش زى المرة الاولى خالص
وبعد مرور شهور
طلعت النتيجة والمفاجأة انى نجحت فى المادة دى من أول مرة
مع العلم انى المفروض أنزل فيها تلات مرات وأنجح الرابعة
تفتكرو ده بسبب إيه ؟
بسبب محبة ربنا الكبيرة لأولادو اللى ملهومش غيرو وملهومش فى الدنيا أى شئ غير محبتو الكبيرة
اللى بتساندنا وقت آلامنا وتقومنا من ضعفاتنا بشفاعة أحباؤه القديسين .. ده هو أبويا الوحيد اللى بيحمينى لما بلتجئ إليه
+
بعد
21 سنه
الاسم / انعام عبد
المسيح
ابو قرقاص المنيا
تزوجت وكاي انسانه اريد
ان افرح واكون ام
ولكن لم يحدث لي حمل علي
الاطلاق
فلجات الي الطب
والتحاليل واجريت عده عمليات
طمعا في ان يعطيني الرب
طفل او طفله
لاكمم افواه المتقولين
علي
ولكن كانت مع طلعه كل
شمس
تملاء المراره حلقي
واقوله ليه يا رب
انا نفسي اكون ام
نفسي يكون ليه طفل
نفسي اكون ام زي باقي
الناس
تعاطيت العقاقير
بالوصفات البلديه
ولجات للعرافين والبعض
يقولي
القرين مش عايزك تخلفي
انتي مربوطه عن الخلف
وانا في داخلي غير
مقتنعه
واقول كله تخاريف كله
بايد ربنا
وياست وفشلت بعد 21 سنه
تعب
بلا نجاح ولا نتيجه
لجات الي الله الي
الاديره
والكهنه والكنايس
الي ان هداني الله الي
شفيع عظيم
في محافظه المنيا
الشهيد العظيم ابسخيرون
القليني
ذهبت لزيارته في البيهو
وشربت من ماء البير
ونذرت نذر
ان اسمي الطفل علي اسمه
لو شفع في
الشيئ الغريب انني اثناء
عودتي
من عند الشهيد ابسخيرون
كنت كاني طايره فوق
الارض
كاني امشي في الهواء
احساس عجيب لم اشعر به
من قبل
شعرت ان ضربات قلبي زادت
اريد ان يكلمني احد
ولا اريد ان اكلم احد
رجعت الي منزلي
واخرجت من دولاابي بعض
القماش الجديد
لكي اجهز ملابس طفلي
الذي سالده
بشفاعه الشهيد ابسخيرون
القليني
ومن ذلك اليوم لم تاتيني
عاده النساء
المعجزه المفاجئه ذهبت
الي الدكتوره
اجرت لي اختبار حمل
وقالت لي مبررروك
انتي حامل
لم اصدق اذاني
معقول
بعد 21 سنه زواج
لقد دب الشيب في شعر
زوجي وشعري
لم اصدق
انهرت في البكاء
وصرخت شكرا يا قليني
شكرا يا قليني
ولما جاءت ساعه الولاده
وسالوني المولود ولد
ها تسميه ايه
تحيرت ولم ارد ان انكث
العهد
ولكن رايت ان كلمه
ابسخيرون صعبه
قررت تسميته قليني
وهي تعني ابسخيرون
القليني
ولا تؤاخذني يا سيدي
القديس انت شفيع محب
تجبر بخاطر الغلاابه
المكسورين الخاطر
شكرا يا سيدي الشهيد
ابسخيرون القليني
من كتاب
الشهيد العظيم ابا
سخيرون القليني
اعداد القس
يؤنس كمال
اعياد القديس الشهيد
ابسخيرون القليني
7 بؤونه : عيد استشهاده
7 كيهك : عيد تكريس
كنيسته
7 طوبه : عيد تذكار نقل
جسده الي دير القديس
الانبا بيشوي بوادي
النطرون
شفاعتك يا قديس ابسخيرون
اخواتي في واحده مطلوب الصلاه من اجلها
وطالبين شفاعه القديس اباسخيرون
هي مريضه بالسرطان
في مرحله متاخره
صلوا من اجلها ومن اجل اسرتها
ربنا يتمجد معاها
ويشفيها
وشفاعتك
من اجل والدي
بركة شفاعتة تكون معنا امين
