العمياء واللص الظريف

[Marina Greiss]

ماجد لص بس ظريف يدرس البيت كويس اللي عاوز يسرقه ولما يدخل البيت ياخد اللي يكفيه شهر مش اكتر وليه منطق غريب ربنا يبعتلي شهر بشهر طبعا في كل الاحوال دي سرقة وخطية .......... ماجد حط عينه على شقة واحدة عمياء كبيرة في السن عايشة لوحدها الشغالة بتعتها بتسيبها بليل وهي ست عجوزة هيخش الشقة من البلكونة يسرق اللي يكفيه شهر وخلاص وفعلا جت الساعة 2 الفجر راح ماجد دخل البلكونة ولكن لسوء حظه وجد الست العجوزة صاحية وبتكلم بنتها في امريكا وعمالة تعيط وتبكي لبنتها وتقولها كدا انا مشفتش اخوكي من 20 سنة من ساعة ما سافر فرنسا مع ابوكي وابوكي مات هناك ومسمعتش صوته من ساعتها وانتم مش عاوزين تنزلوا مصر وانا لوحدي زهقت وتعبت مينا سابها تتكلم وفتح التلاجة لقاها مليانة راح مطلع وحدتين مانجو وقطعة فراخ وقعد ياكل ويسمعهم وهما بيتكلموا في التليفون فقال بينه وبين نفسه طيب وانا ليه اسرقها انا اجي بكرة واعمل اني انا ابنها مينا جيت من السفر واقعد معاها اخدمها وقبل ما يجوا اولادها من برة ابقى اسيب الشقة بدل السرقة وفعلا نزل ماجد من الشقة من البلكونة من غير ما يسرقها وتاني يوم خبط على الباب وصرخ امي وقعد يعيط ويقولها انا رجعت علشانك يا امي ومش هسيبك ابدا الست فرحت اوي اوي بس كان جواها قلق ومش عارفة ايه سببه فضل ماجد كل يوم يعمل الاكل للست هو شاطر في الطبخ لانه كان لوحده والست تساله فين اولادك ومراتك يقولها انتي اهم يا امي انا رجعت علشانك ومش هبعد ابدا وياخد الست ينزلها تقبض المعاش الكبير بتعها يروح يتسوق والغريب في الامر انه كان امين جدا ومشى الشغالة ووفر للست فلوس كتير وكان بيخدمها بامانة اوي وفعلا الست حست بفرحة شديدة انه بجد ابنها وانه فعلا بيحبها وكان بيوديها الكنيسة والست خليته ينتظم في التناول والاكتر من كدا اقنعته يترشم شماس وينتظم وكان مبسوط اوي وكان كل ما اخواته يتصلوا من امريكا كان يتحجج انه نايم واستمر كدا سنتين لحد ما في يوم بنات الست العمياء عملوا مفاجاة وجم للست فجاة ولما دخلت بنتها سلمت على امها وقالت ليها امال فين مينا اخويا دا وحشني اوي فالست قالت ليها ما هو اللي فتحلك الباب وهنا صرخت البنت لالالالالالا يا ماما دا مش مينا ومسكوه وقالوا انت مين فحكى ليهم القصة وان الست صعبت عليه جدا فاخدو منه بطاقته وطردوه وقالو لو عرفنا ان حاجة اتسرقت هنخرب بيتك ونسجنك وذهب لبيته ......... مرضت المراة العمياء ولم يعلموا سر مرضها غير تعلقها بماجد حتى لو مكنش ابنها وذهبوا لماجد واتو به لامهم وقالوا ليه دي امك خلي بالك منها وفعلا حياة ماجد اتغيرت وماتت المراة وهي سعيدة ان هناك شاب عوضها عن ابنها .