افكار العاب جديدة للرحلات والاحفلات

[Marina Greiss]

اولا بنقسم كل اللي حيلعبوا لفرق واللعب حتكون شبيهه بالالومبيات

اول لعبه حتكون بين فريقين (وللعبه 4 افراد بس من كل فريق) وحتكون مسابقه جري بس بدل الجزم خشب!!

1)حنجيب 4 الواح خشب لكل فريق لوحين

2)كل فريق حيقفوا علي اللوحين برجليهم الاتنين ويربطوا كلهم الرجل الشمال في لوح والرجل اليمين في اللوح التاني

3)نحدد مسافه و لازم الفريق يعرفوا يمشوا بنفس الخطوه عشان ميقعوش

4)الفريق اللي هايعرفوا يوصلوا لخط النهايه ورجليهم مربوطه في الالواح هو اللي هيكسب








اللعبه التانيه حتكون برضه بين فريقين (وللعبه 3 افراد بس من كل فريق) واللعبه بوقت محدد

1)من كل فريق واحد حيكون واقف في بلكونه و2 واقفين تحت البلكونه

2)اللي واقف فوق حيكون جنبه جردل مليان ميه ومعاه قماشه والاتنين اللي تحت حيكون معاهم كوبايتين ماسكنها في ايديهم

3)اللي فوق حيحط القماشه في الميه ويعصرها علي اللي تحت بحيث ان الميه تنزل في الكوبايتين اللي ماسكنها الاتنين اللي تحت

4)لما تتملي الكوبايه ميه اللي في ايد اللي واقفين تحت يروحوا يكبوها في زجاجه والفريق اللي يملي زجاجته اكتر في نهايه الوقت هو اللي هيكسب









اللعبه التالته حتكون برضه بين فريقين (اللعبه للفريق كله) و اللعبه لازم تكون في مسافه طويله وحتتلعب بوقت محدد

1)الفريق كله اي حاجه حتكون معاه (هدوم او احزمه او كوتشينه او جزم او شنط او شرابات.....الخ) حيفرشوها علي الارض

2)الفريق اللي حيحط كل حاجه معاه ويعمل اطول مسافه من الحاجات اللي بيفرشها علي الارض لغايه لما الوقت يخلص هو اللي هيكسب








اللعبه الرابعه حتكون برضه بين فريقين (وللعبه 4 افراد بس من كل فريق) واللعبه حتكون بوقت وحنستخدم فيها 4 فوط وكرتين راكت

1)حنقسم الفريق الواحد نصفين (2و2)

2)كل 2 حيمسكوا فوطه من الطرفين ويحطوا الكره الراكت علي فوطه وينقلوا الكره للاتنين التانين من غير ما تقع وهكذا

3) الفريق اللي هيعمل عدد نقلات اكتر هو اللي هيكسب






لكل لعبه 5 دراجات للفريق اللي هيكسب والفريق اللي هيجيب مجموع دراجات اعلي حيكون في المركز الاول