التيراميسو أصلا نوع من انواع الحلوى الإيطالية
وتحفه بقى فى الجو النار ده
المكونات
2 علبة بسكويت شاي
2 علبة كريم كراميل
ا كيس كريم شانتي
نسكافيه ( المفروض قهوة اسبريسو او قهوة مركزة بالماء المقطر) بس بالنسكافيه ممكن برضه
ماتحملوش هم حاجة
ههههههههههههههههه
وطبعا في الأخر كاكاو باودر للتزيين
وممكن لو حابين كمان شيكولاتة مبشورة
الطريقه
اول حاجة نجيب اكياس الكريم كراميل
ونضرب الباودر (بتاع الكريم كراميل )بس مع الكريم شانتي باللبن المثلج او ماء مثلج مع لبن نيدو
لحد مايدينا قوام تقيل
بعد كده ندوب معلقة نسكافيه مع معلقة واحدة بس سكر مع لبن دافئ بالشكل ده
نجيب القالب بتاعنا او الصينية اللى هنرص فيها البسكويت
بس يفضل انها تكون صغيرة مش كبيرة
يعنى جيبى اصغر مقاس في الصواني البايركس عندك
بعد كده احط طبقة كريمة الأول قبل البسكويت
ونبوش البسكوت في النسكافيه ونحط طبقة ونصب كمان شوية نسكافيه عليه
بعد كده نحط طبقة كريمة
بعد كده طبقة بسكويت بعد ما نبوشه في النسكافيه
بعد كده طبقة كريمة تانية
بعد كده طبقة بسكويت بالنسكافيه
بعد كده الطبقة الأخيرة من الكريمة
ونعمل فيه أشكال زخرفيه بشوكه مثلا
تدخل الفريزر لمدة ساعة
بعد كده نطلعها نحط عليها الكراميل
اقطعى طرف الكيس واعملى بيه زجزاج
ونرش الكاكاو الباودر
تدخل تاني تجمد اكتر
تتقطع وتتقدم في الطبق
