ولا سحر ولا شعوذة...تفاح احمر جوه وبره
"التفاحة دى لازم تأكلها عشان لو سبتها هتسود" اكيد كلنا سمعنا الجملة دى كتير لما يتحط طبق الفاكهة امامنا ونقطع تفاحة ومنقدرش نكملها , لكن بالغصب نكملها عشان هتسود وتبوظ ومش هينفع تتاكل ... دلوقتى ولا سحر ولا شعوذة تفاح احمر من جوه وبره عشان يحل مشكلة الأكسدة بعد تقطيعه.شركة بريطانية جديدة اسمها "ساتون" ابتكرت اول بذور نباتية مهجنة تجعل التفاح لونه احمر من الداخل زى ما هو احمر من الخارج وبكده يكون التفاح مضاد للاكسدة بعد ما يتقطع فلا يسود مثل التفاح العادى ,,, التفاح العجيب بدأ ينتشر فى انجلترا بعد ما الأطباء اكدوا انه صحى زى التفاح العادى تماما وبإذن الله وبدون مقاطعة بذور التفاح المفتكسة دى هتبدا تغزو العالم كله فى غضون خمس سنوات.
طبعا دى حاجة عظيمة خالص بس يا ترى التفاح اللولبى ده لما ينزل مصر الناس هتقبل عليه ولا هتعتبره رجس من عمل الشيطان وياترى امتى هنقدر نفتكس حاجة غريبة كده مثل الناس اللى قعدت 20 سنة تكتشف بذور التفاح الجديدة ويا ترى سيأتى اليوم اللى هنأكل فيه مشمش بطعم الخوخ وتفاح على شكل برقوق...حكمتك يارب
