المسمار

[الصخره]

الــمــســـمـــار :
انا المسمــار من المتهمـيـــن ... بــقــتـل يسوع وده أمر مهيـــن
اسمعوا مني حكايتي وشوفوا ... مــظـلـــوم ولا من الظالميـــــن
انا مصنــوع ووظيفتـي الأتـــي ... مع الــنـجــــار أنا عــَبــد أسيــر
مره يثبت بــيّ كـراســـــــــي ... ومـــره يـثـبـت بــيّ سـريـــــــر
وفـوق الحيـط وجـوه البـــــــاب ... وفـي كل أنـــواع الأخـــشـــاب
دانا كنت صديق يوسف النجـار ... وكنت صديق لــيـــسوع البــــار
لكن مـَـره من المــــــــــــــرات ... خدني جـُندي شكلـه غــريــب
مشي بيّ كتير وقطع مسافـات .علي فين رايحين دا الامر غريب
ايه راح يعمل بيّ الجـُنـــــدي ؟... هيثبتني في خـــوذة حــديــد؟
ده صحيح يبقي غشيم وأفنـدي ...لما يدق حـديــد في حــديـــد
ومد ايديه من جيبـُه طلعـنـــي ..وشُفت في أيده التانيه شاكوش
وعلي أيدين الرب وضـَعـنــــي ...مـيـن يرفعنــي مين هيحــوش ؟
عـَمَّـال بصرخ مين يسمعـنــي ... دول بني ادميـن ولا وحـــوش ؟
فجأة وضــَرب الضربة الأولـي ... غبت عن الدنيـــا للــحـــظــــــات
فوقت لقتني في حالة مهـولـــة ... بصــرخ من كـُـتــر الضــربـــات
انا مش بصرخ علشان ألمـــي ... انا واخد علــي كــــده وخــلاص
انا مش قادر اصدق نفســــــي ... فين الرحمة والإحــــســـاس ؟
انا مغروس في أيديك يا يسوع !!! واتسببت في نـــــزف الـــدم !
انا متألم أنا موجــــــــــــــــوع .... مين يـرفـعـــني مين يهتـــــم !
مات الحب خلاص في قلوبكـم ؟؟؟ د أنا من صـُلب لــكــن حـَنيت
مش ده اللي قبلتوه في بيوتكم ؟ إن كنتوا نسيتوا أنا ما نـسيـت
بأديه ياما اخرج شياطيــــــــن ... والمولود اعمي عـَمَّله عـيـنيـــن
ده اللي بخـُبز قـُليل شـَبـــَّـع ... كل النـاس ممشوش جعانـــيـــن
بعد ده كله تكافؤ أيديــــــــــــه ... اللي عرفتــوا بيها الخــيــــــــــر
وكمان مسمار فوق رجليــــــه ... دي مشيت ياما عشانكو كـتيــر
اصل القسوة دي طبع البشــــر ...ايه بقي ذنبي قولولي عـليــــه
احكموا ونشوف مين ينـتصــر ... وأنا راضـي باللي هتحكموا بــيه
................... أنا راضـي باللي هتحكموا بــيه ........................
ميلاد ثابت إسكندر
فنان تشكيلي
+++