19 - 03 - 2013, 11:18 AM
|
|
|
|
† Admin Woman †
|
|
|
|
|
|
عايز ضرورى اسكتش عن احد التجربة
الشخصيات:
1- المسيح
2- الشيطان
***ياتي الرب بخطي بطيئة وهو متعب ويجلس علي صخرة قائلا:
الرب:- ياااه .. انا كده بقالي 40 يوم صايم في الصحراء،من ساعة ما اتعمدت من يوحنا المعمدان في نهر الاردن لحد النهارده 40 يوم.
الشيطان: هاهاهاي ....يااااه ده انت كده جوعت اوووووووي يا حرام،مش انت ابن الله؟!؟!؟ خلاص قول للحجارة دي تتحول لخبز عشان تاكل.
الرب:- مكتوب ليس بالخبز وحده يحيا الانسان بل بكل كلمة تخرج من فم الله... يعني الحياة مش هيا الاكل والشرب وبس ... لكن الحياة الحقيقية تكون مع ربنا واننا نعيش بكلامه
***يقوم الرب يسوع،ويذهب الشيطان خلفه قائلا:-
الشيطان:- طب تعالي معايا .. تعالي نطلع فوق الجبل ده ... يلا نطلع
***ويصعد الاثنان فوق الجبل
الشيطان:- شايف كل الممالك دي ... شايف هي كثيرة ازاي اد اييييه!! كل ممالك الارض ملكي... انا هديهالك عشان هي بتاعتي .. وانا هديها للي انا عايزة.. ناا هديهالك انت بس بشرط... تسجدلي!!!
الرب (بقوة):- مكتوب للرب الهك تسجد وايه وحده تعبد ... مافيش سجود غير لله وبس... ومفيش سجود لحد تاني غير ربنا.
***يتركه الشيطان في ضيق وحزن قائلا:- يووووه .. مكتوب مكتوب مكتوب ... كل شوية يقولي مكتوب .. هو مافيش عنده غير كلام ربنا .... طيب انا كمان هقوله مكتوب .. واشوف ازاي هيقاومني ويرد عليا ؟!
الشيطان:- تعالي معايا دلوقتي .. نطلع فوق جناح الهيكل تعالي.... شايف الارتفاع كبير ازاي .. لكن رغم كده ارمي نفسك من فوق ومتخافش عشان هو مكتوب :ان ربنا هيوصي ملايكته بيك عشان يحفظوك وعلي ايديهم هيحملوك .. عشان ما تتخبطش رجلك في اي حجر.
الرب ينتهره قائلا:- ومكتوب كمان "لا تجرب الرب الهك"... يعني منجربش ربنا ونقوله انت قولت يا رب في انجيلك كذا وذا لكن نامن انه قادر علي كل شئ.
الشيطان:- ااااااه .. كفاية .. كفاية ... انا انتهيت (ثم يختفي).
***وينزل الرب من علي جناح الهيكل ويخرج وحده قائلا:-
الرب:- وبكده يا اولادي .. تقدروا تغلبوا الشيطان بكلمة ربنا المكتوبه في انجيله.... لما تحفظوها وتنفذوا وصاياه.
ملاحظات علي الديكور
- بالنسبة للشيطان ممكن تلبسه ماسك مرعب وعباية سوده مثلا
- بالسنبة للجبل ممكن يبقي المنجلية هي الجبل وتغطيها من قدام مثلا بورق اسمنت ومن الخلف تضع كرسي علي اسا مثلا انهم واقفون علي الجبل
- بالنسبة لجناخ الهيكل وهي دي اكبر مشكلة هي لو كنيسة صغيرة ممكن نضع سلم في الهيكل ويسنده علي حامل الايقونات ويصعدوه عليه الي اعلي بس هي صعبة شوية لو حد عنده فكره ليها يا ريت يقول
منقول
التعديل الأخير تم بواسطة sama smsma ; 02 - 07 - 2018 الساعة 10:04 PM
|
