|
 |
 |
 |
|
رقم المشاركة : ( 1 )
16 - 03 - 2013, 09:15 PM
|
|||||||||||
|
|||||||||||
|
ازاى ارتب كنوزى علشان ابقى مستعد - احد الكنوز رتب كنوزك ياترى لو أنا رايح رحلة للبحر .. وحبيت أرتب الشنطة بتاعتي ، إيه أول حاجة هاحطها في الشنطة ؟؟ هل نحط فيها جرايد ؟ ولا بصل ؟ ولا مخدة السرير ولا إيه ؟؟ أكيد هانحط المايوه علشان نعوم ، والكاب علشان الشمس ، ونضارة البحر علشان نشوف السمك تحت الميه ، وممكن كمان عوامة وممكن كورة وكمان جردل وجروف علشان نبني بيت من الرملة ... يوم الأحد اللي جاي في الصوم ربنا عايز يقولنا نفس الكلام ، وهو إسمه حد الكنوز أو الملكوت .. علشان هو عايز يقولنا إن إحنا هايجي اليوم اللي هنسافر فيه للرب يسوع ونعيش معاه في الملكوت ولازم نجهز فيه الشنطة بتاعتنا ، هل في حد مش هيسافر للرب يسوع ؟ طبعاً كلنا هنقابله ، طيب ياترى الشنطة بتاعتنا دي هي إيه ؟؟ برافو .. قلبنا ، طيب وإحنا رايحين نقابل الرب يسوع تفتكروا إيه الكنز اللي ممكن نحطه في قلبنا ؟؟ هل نحط فلوس ، ولا عربية شيك ، ولا بيت جميل ، هو إحنا مع الرب يسوع في السما هانحتاج الحاجات دي ؟ طبعاً لأ ، طيب أومال نحط إيه ؟ نحط الرب يسوع نفسه ، علشان هو أهم كنز عندنا ولازم يكون موجود في قلبنا وإحنا مسافرين للملكوت في السما نحط كمان محبة كل الناس، علشان دي كمان هاناخدها معانا في السما نحط مساعدة المحتاج والفقير ... نحط أمانة في حياتنا هنا على الأرض نحط مسامحة وغفران لبعض نحط طاعة لكلام الرب يسوع ( ممكن تترك مساحة للأولاد للتعبير عن آرائهم) 
|
|
العرض الشجري