|
 |
 |
 |
|
رقم المشاركة : ( 1 )
16 - 02 - 2013, 10:05 PM
|
|||||||||||
|
|||||||||||
|
يادنيا يا بنت اللذينا  جينا فيكِ مش بإرادتنا ولا بإيدينا مخترناش يوم ميلادنا ولا حتى اسامينا بتدينا اللى أنتِ عاوزاه و من اللى بنتمناه بتحرمينا أه منك يادنيا يا بنت اللذينا غدارة يا دنيا زى موج البحر و بتلعبى بينا وقت ما بتحبى للسما بترفعينا و كتير بتدوسى علينا و على الأرض بترمينا أه منك يادنيا يا بنت اللذينا فى مشاغل الحياة و الهموم بتفرمينا نجرى ورا الرزق من بلد لبلد بتغربينا و أنت اللى بتختارى يا إما قطار موت بتركبينا أو فى باخرة سلام فى البحر بتغرقينا أهى كلها وسيلة للموت بتوصلينا المهم إنك تحت الأرض بتدفنينا أه منك يادنيا يا بنت اللذينا لو قلبنا دق للحب بتسهرينا ليالينا بنبقى فرحانين لما بنار الحب بتكوينا و فجأة بفرمان منك تبعدينا و تفرقينا و كأنك بتتمتعى يا دنيا و أنتِ بتعذبينا و لما من أعز الأحباب تحرمينا أه منك يادنيا يا بنت اللذينا لو فى يوم طلبنا حقوقنا بتسحلينا و كأنه مفروض إننا بدون كرامة تعيّشينا إمتى يا دنيا لحقوقنا فى بلدنا تدينا كفاية قسوة علينا و إرحمينا كفاية يا دنيا يابنت اللذينا من كلماتى  التعديل الأخير تم بواسطة Magdy Monir ; 17 - 02 - 2013 الساعة 02:46 PM 
|
|
| قد تكون مهتم بالمواضيع التالية ايضاً |
| الموضوع |
| قوم ياخويا |
| قوم نام ياخويا |
| عارف ياخويا |
| يلا ياخويا |
| يادنيا |
العرض الشجري