انا عندى مشكله ياجماعه مع الانسان اللى بحبه

[نونا بنت البابا]

انا عندى مشكله ياجماعه مع الانسان اللى بحبه وعايزه اخد رايكوا فيها دبرونى اتصرف ازاى)
هو من فتره كبيره احنا عارفين بعض وهو جه قالى ان انا بحبك وانا كنت مرتاحه له اوى ووافقت عليه واتحدى اى حد ان حبيبها زى حبيبى انا لو حكيتلكوا بيعمل معايا ايه وانا بعمل معاه ايه هتقولوا انه خساره فيا هو صراحه خساره فيا ده بيفهمنى من غير ما اتكلم بلاقيه بيكلمنى فى الوقت اللى انا فى زعلانه واقوله كفايه عليك كده الرصيد ده انت دفعت كتير يقولى انتى ماتعرفيش قد ايه بيبقى مبسوط وانا بسمع صوتك واول ما اقوم من النوم لازم يكلمنى يقولى صباح الخير ياحبيبتى قلت اسمع صوتك قبل ماتنزلى تروحى فى اى حته هاكلمك تانى بس ابقى اسمعينى ارد عليه واقوله انا النهارده مش فاضيه ماتتكلمش عشان مش هارد لما اروح بليل ابقى اكلمك يقولى حاضر انا مش هاتقل عليكى اروح واكون تعبانه وانسى اكلمه واصحى تانى يوم ويكلمنى ويقولى ما كلمتنيش ليه اقوله نسيت ما تخنقنيش على الصبح انا صاحيه مخنوقه ورايا حاجات كتير جدا وهيطلع عينى ومش عارفه اعمل ايه لوحدى يرد عليا بمنتهى الحنيه يقولى لوحدك امال انا فين انا هاجى معاكى اقوله تيجى فين انا هاروح لوحدى اصل الاماكن اللى هاروحها مش هينفع تيجى معايا لما اخلص ابقى اكلمك يقولى انا مش هاقدر اسيبك لوحدك هاجى معاكى انا شايفاك تعبانه اقوله لا شكرا انا مش طلبت منك حاجه هو عافيه يستنى ويسبنى اروح وارجع مقهوره من كتر العياط واندب على حظى واقول ما انا ماليش حد الاقيه كلمنى عملتى ايه ياحبيتى خلصتى حاجتك اقوله لا ماعرفتش يقولى عشان خاطرى خلينى اجى معاكى بكره قولتله تعالى ولما جه معايا طلع حبيبى ان كل الناس بتخاف منه محدش بيقدر يرفع عينه قدامه يدخل اى مكان الكبير قبل صغير محترمه انا استغربت الوضع الكبير اللى لقيت حبيبى فيه بصيته له باستغراب قلت له هو انت ليه مش قلت لى انك تقدر بشكل ده قالى مش محتاج اقول انتى المفروض تكونى واثقه فيا اكتر من كده امال ازاى انتى بتقولى انك بتحبينى انا مش بسمع منك الا كلام وبس مفيش مره حسيت ان انا وانتى واحد كل حملك عليا وحتى لما بترمى حملك بتبقى شاكه فيا انى مش هقدر اعملك حاجه بصيت بخجل قلت له سامحنى انا مش استاهلك قالى بس انا بحبك ومااقدرش استغنى عنك قلت له بعد ده كله ده انت حسيت ان حبى لبك مجرد كلام ومش بعملك حاجه تكفيك حقك قالى وانا مش عايز حاجه منك كل اللى عايزه خليكى واثقه فيا وخليكى معايا على الخط طول اليوم ليه مخصصه لى شويه وقت اتكلم معاكى فيه انا اكبر هديه ليا انا اسمع صوتك على طول تقدرى تجيبى ليا الهديه ديه حسيت انى مش قادره اتكلم واقوله اه من كتر خجلى منه خدنى فى حضنه وطبطب عليا قالى حبيتى اوعى تخافى وتتعبى طول ما انتى معايا سيبى الدنيا عليا وانا عليا باقى بجد بقولها قدامكوا كلكوا انا بحبك ياحلى حبيب فى الدنيا دى
بحبك يابابا يسوع