لكل شباب المنتدى ------------شوفوا الكوسة

[فرونكا]

طبعا وانتا بتوقف الميكروباص وياسلام لو مافيش مكان

لو انتى بنت يادوب تبصي بس بصة استعطاف لأي واحد قاعد هايقوم ينط يقعد في ضهر السواق عشان تعدي

انما بقا لو انتا ولد شوفلك اي حتة اجلس فيها او انشالله تتشعلق

ثانيا :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا عم تستاهل شوف كنت بتبص فين والكلام ده طبعا




ثالثا :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب

.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : اية ياعم عرفنا انك فاندام بس بالراحه ع الباب

رابعا :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل قديم ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت صوتك صرعتنا والله عرفنا انك معاك موبايل ولو الموبايل قديم .. وكمان بتتعايق بموبايل قديم اوى امال لو كان موبايل عدل شوية كنت عملت ايه




رابعا :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بالنص جنيه اللي هاتدفعه




خامسا :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره

طبعا لو انت ولد هاتقول مرة واتنين وعشرة وينزلك بعد الحتة اللي انت عايز تنزل عندها بشارعين تلاته وطبعا هايقولك ماسمعتكش مانت اللي صوتك واطي زي البنات


انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب .....

دايما ابو شنب متاكل حقه


ههههههههههههههه