|
 |
 |
 |
|
رقم المشاركة : ( 1 )
24 - 11 - 2012, 12:14 PM
|
|||||||||||
|
|||||||||||
|
خلاص سنه 2012علي وشك الانتهاء . وداخلين علي سنه
جديدة . بس ياتري قبل ماندخلها إيه أخبار 2012 معاك ؟ كانت سنة نجاح ولا فشل بالنسبة لك ؟ حققت فيها اللي أنت عايزه ولا مقدرتش ؟ طب وليه مقدرتش ؟ حطيت أهداف في بداية السنة ووصلتلها ؟ قد إيه كانت سنه حصاد ليك ؟ طيب بقي ناوي تعمل إيه في2013 ؟ ناوي تاخد خطوات جديدة في إيه ؟ ناوي توقف إيه وتبتدي إيه ؟ راسم إيه للسنة الجديدة ؟ وياتري ورقة طموحات 2013 مكتوب فيها إيه ؟ ولا لسه مامسكتش القلم وكتبت لا أقصد رسمت أحلام 2013 ؟ خلاص ياشباب الأيام بتجري والسنين بتمر وإحنا مش حاسيين وكله محسوب من عمرنا . حياتنا هدفها إيه ؟ وعايشين أزاي ولمين ؟ راضيين علي السنين اللي فاتت ولا لأ ؟ كل دية أسئلة كلنا محتاجين نجاوب عليها، ونعرف ونحدد حياتنا ماشيه أزاي ومانقولش أهي أيام وبنعشها . خلونا مع بداية السنة تكون دية بداية جديدة لينا . بداية مع ربنا نسيب كل فشل وكل سلبية، وكل أمور كنا بنعملها مش بتخلينا نقوم بعد فشلنا . وعايز أركز معاكوا أووي في بداية السنة الجديدة إنها تكون بداية علاقة وشركة حقيقية مع الرب يسوع، وتكلل السنة بجود ربنا وتسلم قلبك، عقلك، فكرك، مستقبلك، وكل حياتك بين أيديه . وخلي عندك ثقة إن طول ماحياتك في أيد ربنا وقلبك ملك أيديه، حياتك هاتكون كلها بركات وغني وجود . 
|
|
العرض الشجري