|
 |
 |
 |
|
رقم المشاركة : ( 1 )
15 - 11 - 2012, 04:45 AM
|
|||||||||||
|
|||||||||||
|
"المشوار" للفنان المبدع أحمد فؤاد نجم  يالي جيت من شط تاني حبتين ورجعت تاني رحت فين جيت منين حاجه يابا محيراني .... انت يوم ما جدي جابك من هناك جيت منين؟ واما سبت الناس وغلب الناس وراك رحت فين؟ عم عباس الغفير وسليمان عبد البصير والمحافظ والوزير كلنا ماشيين طابور والقدر داير يدور بالكاسات بين المواكب ع اللي ماشي واللي راكب واللي يجي الدور عليه يلقى كاسه بين ايديه واللي يشرب كاسه يطلع م الطابور واللي يطلع بيتاويه جوف القبور والقبور سعرانه لم قالت كفايه والقدر يسقي القلم دم الدواية والقلم يكتب ويشطب واللي يشطب اسمه يشرب سخن بارد كله وارد مستحيل كائن حيهرب .... رحت فين يابا وفين راحوا اللي قبلك بعد مشوار العذاب ايه انكتب لك اللي راح قبلك ماجاش من يوم ما راح والحوادث والليالي تروح وترجع واللي جه بعدك بينده ع اللي راح بس هو فين اللي راح يشوف ويسمع اللي راح ماجابش سيره واللي جاي غرقان ف حيره واحنا ماشيين ف المواكب زي قلعان المراكب قد مايميل الهوى بنميل معاه لا قلنا لأه يا هوى ولا قلنا ... آه 
|
|
العرض الشجري