قصيدة مرسى والعقاب..........بقلم احمد عبد القوى
انت عقاب ولا مصيبة رب الكون جبهالنا
جايز رب الكون ولاك تكفير عن افعالنا
امتى يا رب هترضى علينا وتتعدل احوالنا
شفنا معاك الجوع والفقر حتى نحست العيد
اول يوم روحت تصلى راح من الشرطة عميد
اهل بلدنا صلوا عليه وانته يا مرسى مشيت
بقى بالذمة عشان الفتة متشيعشى شهيد
أيوة يا نحس مسى علينا وكله جديد فى جديد
قطر يولع ناس بتموت بقى بالذمة ده عيد
والحجاج بتمسى عليهم مات منهم خمسين
واهو سوق ليبيا بعد زيارتك خسران بالملايين
وفى الاميرية محطة صرف اتحرقت من ساعتين
لسه امبارح كان فى حريقة عندنا فى التبين
ارحم بقى وكفاية ياعم ده احنا ياشيخ مساكين
شفنا معاك فى الكام شهر فقر سنين وسنين
