عادات بتغير الحياة للأحسن

[Ramez5]

عادات بتغير الحياة للأحسن

ابدئي يومك بنية هادية وصافية حتى لو كان يومك مليان مسؤوليات.
خدي وقتك في ترتيب أولوياتك بدل ما تحاولي تعملي كل حاجة مرة واحدة.

خصصي دقائق بسيطة لنفسك كل يوم اشربي حاجة بتحبيها بهدوء اقرئي و خدي نفس عميق بعيد عن الدوشة....الاهتمام بنفسك مش رفاهية ده طاقة بتساعدك تكملي.

عودي نفسك على الامتنان حتى للحاجات الصغيرة صحة بيت أهل ضحكة أو لحظة هدوء.

اتعلمي تقولي لا للحاجات اللي بتستنزفك من غير إحساس بالذنب.
مش لازم ترضي كل الناس ولا تشيلي فوق طاقتك.

حافظي على نومك واشربي مياه كفاية وحاولي تتحركي كل يوم ولو دقايق بسيطة....العادات الصغيرة لما تستمري عليها بتعمل فرق كبير.

ابعدي عن مقارنة نفسك بغيرك كل شخص له ظروفه وتوقيته وطريقته في الحياة.

احتفلي باي انجاز حتى لو كان بسيط مش لازم التغيير يكون كبير عشان يكون مهم.

خلي كلامك مع نفسك أحن انتِ بتتعلمي وبتحاولي وده في حد ذاته انجاز.

الحياة مش بتتغير في يوم وليلة لكن بتتغير كل يوم بخطوة صغيرة.

ابدئي بعادة واحدة واستمري عليها وهتتفاجئي قد إيه حياتك ممكن تتغير للأحسن.