|
 |
 |
 |
|
رقم المشاركة : ( 1 )
يوم أمس, 11:57 PM
|
|||||||||||
|
|||||||||||
|
🥲فلا تقول: «أنا أَغْنَيْتُ أبرام»… الكلمة دي مش مجرد جملة في قصة، لكنها مبدأ روحي كبير علّمنا ليه إبراهيم أبو الآباء موقف نادر وقوي. لما ملك سدوم حاول يدي لإبراهيم مال أو غنيمة، إبراهيم رفض تماماً… ليه؟ لأنه ماكنش عايز حد يفتكر إن بركة حياته جت من بشر، أو إن مجده بسبب عطايا أرضية . إبراهيم كان شايف إن إيده تترفع بس لربنا، وإن كل خير في حياته مصدره واحد: الله. 🫶وده درس لنا كلنا: في كل مرة تعمل خير لحد، وتقدم مساعدة، وتدي من قلبك… ما تستناش رد الجميل. ما تستناش كلمة شكر. ما تتعشمش في مقابل. 🥲إوعى تربط محبتك أو خدمتك بعائد من إنسان، لأن الإنسان بطبيعته ضعيف… يوم يقدّر ويوم ينسى. يوم يشكر ويوم ينكر. لكن أجرك الحقيقي بييجي من اللي عمره ما بينسى تعب محبتك. 🎻لما تعمل حاجة كويسة، قول في سرك: «يا رب… أجري عندك وبس. أنا مش محتاج حد يغنيني غيرك». 🥲وساعتها هتعيش مرتاح… ولا هتزعل من حد… ولا هتتعب من خيبة الأمل… ولا هتقول “كنت فاكر…” أو “كنت متوقع…”. ❤️خلي قلبك حر من العشم الزايد… وخدمتك نقية لوجه الله… وساعتها هتشوف إيد ربنا بتعوضك أضعاف، وبتفتح لك أبواب محدش يقدر يقفلها. 
|
|
العرض الشجري