|
 |
 |
 |
|
رقم المشاركة : ( 1 )
22 - 01 - 2026, 08:06 PM
|
|||||||||||
|
|||||||||||
|
عارف لما يقولك كل واحد وليه دخلاته؟ أهي دي بالظبط "لغات الحب". قلب كل واحد فينا.. ليه مدخل وسكة، أو ما يسمى بـ "لغة". اللغات دي بحسب “جاري تشابمان” هي: (الكلام، التلامس، الهدايا، الوقت الجيد، وأعمال الخدمة). علشان علاقتي بالطرف التاني تنجح أياً كان هو مين مش بس علاقتي بشريك حياتي.. لأ، كمان علاقتي بعيالي وبأصحابي أو أهلي؛ مهم جداً أتكلم بلغة الحب بتاعته. تخيل أنا مش بفهم غير عربي، وأنت كل مرة بتيجي تكلمني بلغة تانية، عمري ما هعرف أكون على تواصل عميق معاك. علشان كده محتاج أعرف اللي قدامي لغته إيه وأكلمه بيها، علشان يوصله حبي واهتمامي بيه بطريقته. أكبر غلطة بنقع فيها في العلاقات إننا بنعمل مع اللي قدامنا اللي نفسنا يتعمل معانا؛ وارد تكون نيتنا سليمة ومليانة حب، بس يؤسفني أقولك إن حبك ده مش هيوصله إلا لو عملت اللي بيحبه هو. اسعى تعرف إيه لغتك في الحب وشارك بيها الطرف اللي قدامك، ودرب نفسك توصل حبك بطريقته.. مش دايماً سهلة، لكن مع التدريب واهتمامي إنه يوصله حبي، هتعلم أعملها 
|
|
العرض الشجري