المزمور ده صرخة كل واحد فينا لما الدنيا بتضيق بيه

[walaa farouk]

المزمور الثاني عشر (12)
​
المزمور ده صرخة كل واحد فينا لما الدنيا بتضيق بيه..
واللي حاسس إن ربنا "غاب" عنك شوية،
أو إن الوجع طول والحل اتأخر،
بس النهاية فيها "فرحة" كبيرة.

​يلا بينا ندخل لعمق المزمور.....
​داود النبي بيبدأ بوجع حقيقي، بيسأل ربنا "لحد إمتى؟"،
حاسس إن ربنا نسيه أو مخبي وجهه عنه 👇🏻
​«إِلَى مَتَى يَا رَبُّ تَنْسَانِي إِلَى الانْقِضَاءِ؟
إِلَى مَتَى تَصْرِفُ وَجْهَكَ عَنِّي؟»
(آية 1)

​داود بيوصف الصراع اللي جوه نفسه
، الأفكار اللي بتيجي بالليل والوجع اللي في قلبه كل يوم
، وإزاي عدوه حاسس إنه انتصر عليه 👇🏻
​«إِلَى مَتَى أَجْعَلُ هَذِهِ الْمَشُورَاتِ فِي نَفْسِي،
وَهَذِهِ الأَوْجَاعَ فِي قَلْبِي النَّهَارَ كُلَّهُ؟ إِلَى مَتَى يَرْتَفِعُ عَدُوِّي عَلَيَّ؟»
(آية 2)

​هنا داود بيطلب من ربنا "ينور عينه"،
عشان مايستسلمش لليأس،
وعشان العدو ما يشمتش فيه ويقول "أنا غلبته" 👇🏻
​«انْظُرْ وَاسْتَجِبْ لِي يَا رَبِّي وَإِلَهِي.
أَنِرْ عَيْنَيَّ لِئَلاَّ أَنَامَ نَوْمَ الْمَوْتِ. لِئَلاَّ يَقُولَ عَدُوِّي: إِنِّي قَدْ قَوِيتُ عَلَيْهِ»
(آية 3 و 4)

​وبعد كل الوجع ده، فجأة نبرة داود بتتغير تماماً! من الحزن للثقة.
. بيقول لربنا: "أنا واثق في رحمتك، وقلبي هيفرح بخلاصك" 👇🏻
​«الَّذِينَ يَحْزُنُونِي يَتَهَلَّلُونَ إِنْ أَنَا زَلَلْتُ،
أَمَّا أَنَا فَعَلَى رَحْمَتِكَ تَوَكَّلْتُ. يَبْتَهِجُ قَلْبِي بِخَلاصِكَ»
(آية 5)

​وفي الآخر، داود بيقرر إنه يسبح ويغني لربنا،
لأنه اكتشف إن ربنا "عمل معاه خير كتير"
حتى وهو لسه في وسط المحنة 👇🏻
​«أُسَبِّحُ الرَّبَّ الْمُحْسِنَ إِلَيَّ، وَأُرَتِّلُ لِاسْمِ الرَّبِّ الْعَلِيِّ»
(آية 6)

​اطمن.. ربنا مش ناسيك،
هو بس مستني الوقت الصح عشان يظهر خلاصه
. صرختك "إلى متى" مسموعة في السما،
ونهايتها دايماً هتكون "أسبح الرب المحسن إليَّ