المزمور السابع ده ليك! المزمور ( 7 )

[لمسة يسوع]

لو حاسس إن في حد بيظلمك أو بيجيب في سيرتك بالباطل.. المزمور السابع ده ليك!
المزمور ( ٧ )

حكاية داود والرب القاضي العادل
داود النبي كان في ضيقة صعبة جداً بسبب كلام "كوش البنياميني" اللي كان بيظلمه، فبدأ يكلم ربنا بقلب مفتوح ويقول له يا رب أنا ماليش غيرك، إنت اللي بتحميني وتستر عليَّ من كل اللي بيجروا ورايا وعايزين يأذوني،

داود ما فكرش ينتقم لنفسه، لكن جري على قاضي القضاة،
وكتب المزمور ده وهو بيتحامى في عدل ربنا
داود رفع عينه للسما وقال:👇🏻
«يَا رَبُّ إِلهِي، عَلَيْكَ تَوَكَّلْتُ. خَلِّصْنِي مِنْ كُلِّ الَّذِينَ يَطْرُدُونَنِي وَنَجِّنِي»
(آية 1)

"أنا خايف يا رب ليكون العدو ده زي الأسد الجعان، اللي مستني فرصة ينهش في روحي ويقطعها،
وإنت الوحيد اللي تقدر تلحقني"👇🏻
«لِئَلاَّ يَفْتَرِسَ كَأَسَدٍ نَفْسِي هَاشِمًا إِيَّاهَا وَلاَ مُنْقِذَ» (آية 2)

وبدأ داود يراجع نفسه قدام ربنا بكل أمانة
"يا رب، لو أنا فعلاً عملت اللي بيقولوا عليه،
أو لو كان في إيدي أي ظلم لحد"👇🏻
«يَا رَبُّ إِلهِي، إِنْ كُنْتُ قَدْ فَعَلْتُ هذَا. إِنْ وُجِدَ ظُلْمٌ فِي يَدَيَّ»
(آية 3)

"لو كنت رديت الشر للي كان مسالم معايا،
أو حتى لو كنت أذيت عدوي من غير سبب"👇🏻
«إِنْ كَافَأْتُ مُسَالِمِي شَرًّا، وَسَلَبْتُ مُضَايِقِي بِلاَ سَبَبٍ»
(آية 4)

" ولو يارب عملت كده، سيب العدو يمسكني ويدوس حياتي في الأرض،
ويحط كرامتي في التراب.. أنا راضي"👇🏻
«فَلْيُطَارِدْ عَدُوٌّ نَفْسِي وَلْيُدْرِكْهَا،
وَيَدُسْ فِي الأَرْضِ حَيَاتِي، وَلْيُحِطَّ إِلَى التُّرَابِ كَرَامَتِي.»
(آية 5)

"لكن يا رب إنت عارف إني مظلوم، قوم ووريهم غضبك، وإقف في وش الناس اللي بتضايقني، وصحصح لي الحق"👇🏻
«قُمْ يَا رَبُّ بِغَضَبِكَ. ارْتَفِعْ عَلَى سَخَطِ مُضَايِقِيَّ، وَانْتَبِهْ لِي. بِالْحَقِّ حَكَمْتَ»
(آية 6)

"خلي كل الناس تتجمع حواليك وتشوف عدلك،
وإنت يا رب العالي ارجع لكرسي الحكم بتاعك"👇🏻
«وَمَجْمَعُ الشُّعُوبِ يُحِيطُ بِكَ، فَعُدْ فَوْقَهَا إِلَى الْعُلَى»
(آية 7)

أنت يارب اللي بتحكم الشعوب
فيا رب احكم لي أنا كمان على قد نيتي الطيبة"👇🏻
«الرَّبُّ يَدِينُ الشُّعُوبَ. اقْضِ لِي يَا رَبُّ كَحَقِّي وَكَكَمَالِي الَّذِي فِيَّ»
(آية 8)

يا رب ارجوك خلصنا من شر الأشرار وثبّت الناس الطيبين،
لأنك إنت الإله اللي عارف اللي مستخبي جوه القلوب"👇🏻
«لِيَتِمَّ شَرُّ الأَشْرَارِ وَثَبِّتِ الصِّدِّيقَ.
فَإِنَّ فَاحِصَ الْقُلُوبِ وَالْكُلَى اللهُ الْبَارُّ»
(آية 9)

داود وقتها اتطمن وصرخ بكل ثقة:
«تُرْسِي عِنْدَ اللهِ مُخَلِّصِ مُسْتَقِيمِي الْقُلُوبِ»
(آية 10)

ربنا ده قاضي عادل جداً،
وممكن يغضب على الشر في أي وقت"👇🏻
«اللهُ قَاضٍ عَادِلٌ، وَإِلهٌ يَسْخَطُ فِي كُلِّ يَوْمٍ»
(آية 11)

لو الشرير ده ما رجعش عن طريقه،
ربنا مجهز عدله،
كأنه بيسن سيفه ومنشن عليه"👇🏻
«إِنْ لَمْ يَرْجعْ يُحَدِّدْ سَيْفَهُ. مَدَّ قَوْسَهُ وَهَيَّأَهَا»
(آية 12)

ومجهز له أدوات الموت،
والسهام بتاعته حامية ضد الناس الظالمة"👇🏻
«وَهَيَّأَ لَهُ آلاَتِ الْمَوْتِ. يَجْعَلُ سِهَامَهُ مُلْتَهِبَةً»
(آية 13)

شوفوا الشرير بيقعد يخطط للأذى ويتعب نفسه في الغلط،
وفي الآخر مش بيولد غير الكذب"👇🏻
«هُوَذَا يَمْخَضُ بِالإِثْمِ. حَمَلَ تَعَبًا وَوَلَدَ كَذِبًا»
(آية 14)

ده حتى الحفرة اللي حفرها عشان يوقع فيها غيره،هو اللي بيقع فيها في الآخر"👇🏻
«كَرَّ جُبًّا. حَفَرَهُ، فَسَقَطَ فِي الْهُوَّةِ الَّتِي صَنَعَ»
(آية 15)

الشر بتاعه هيرجع يركب فوق راسه،
والظلم اللي عمله هينزل فوق دماغه هو"👇🏻
«يَرْجعُ تَعَبُهُ عَلَى رَأْسِهِ، وَعَلَى هَامَتِهِ يَنْزِلُ ظُلْمُهُ» (آية 16)

داود ختم المزمور ده بالتسبيح👇🏻
«أَحْمَدُ الرَّبَّ حَسْبَ عَدْلِهِ، وَأُرَنِّمُ لاسْمِ الرَّبِّ الْعَلِيِّ»
(آية 17)