|
 |
 |
 |
|
رقم المشاركة : ( 1 )
20 - 12 - 2025, 08:31 AM
|
|||||||||||
|
|||||||||||
|
دوّر جوّه قلوب الناس… هتلاقي ناس كتير جعانة حب. وجوع الحب أوقات بيبقى أقسى من جوع الخبز. اوعى أول ما تقابل إنسان جعان حب تقوله: ربنا بيحبك… محبة أبدية… وإنت لسه ما لمستش جراحه، ولا سمعت وجعه، ولا حسّيت بكسوره. الوعظ ما بيشبعش الجعانين حب. والكلام عن حب ربنا ما بيوصلش لقلب مجروح من البشر. اسمعهم الأول… زي ما المسيح سمع السامرية. افهمهم… زي ما فهم التعبانين والمكسورين. احضنهم قبل ما تعلّمهم. واحتويهم قبل ما تكلّمهم. سيبهم يحكوا، يفضفضوا، يعيّطوا. طبطب… طيب خاطر… من غير محاضرات، ومن غير تأملات جاهزة، ومن غير ما تحط صورة ربنا قدامهم وتقولهم: “ده الحب الحقيقي”. خليك إنت الصورة. خليك الحب اللي يشوفوه بعينيهم ويحسّوه في قلبهم. وساعتها… لما يحبوك، هيعرفوا يحبوا ربنا. لما يذوقوا الحب فيك، هيفهموا محبة الإله اللي حبنا للآخر. الحب بيتشاف… قبل ما يتقال. 
|
|
| قد تكون مهتم بالمواضيع التالية ايضاً |
| الموضوع |
| مش كل تعب بيتشاف |
| مش كل الى يتقال مقصود حرفيا |
| مش كل وجع يتقال |
| فى كلام يتقال عنك من وراك |
| الحب مواقف وأفعال مش مجرد كلام يتقال |
العرض الشجري