يسوع مش بيدور على المميزين هو بيدور على القريبين

[walaa farouk]

كل واحد من التلاميذ كان له طريقته في القرب من يسوع…
بس يوحنا اختار طريق مختلف.
اختار ببساطة إنه يكون قريب من قلبه.
سند راسه على صدر يسوع…
مش علشان يسأل، ولا علشان يبان،لكن علشان يرتاح.
في اللحظات اللي كانت مليانة توتر وخوف وأسئلة،
يوحنا اختار الصمت…
واختار المكان اللي فيه كل الإجابات: قلب يسوع.
وبنشوف لما الكل اختفى عند الصليب،
هو كان واقف. و يسوع قالة
"فَلَمَّا رَأَى يَسُوعُ أُمَّهُ، وَالتِّلْمِيذَ الَّذِي كَانَ يُحِبُّهُ وَاقِفًا،
قَالَ لِأُمِّهِ: «يَا امْرَأَةُ، هُوَذَا ابْنُكِ»! ثُمَّ قَالَ لِلتِّلْمِيذِ:
«هُوَذِهِ أُمُّكَ»!" يوحنا 19: 26-27
مش لأنه الأجدر…
لكن لأنه الأقرب.
يمكن مش شايف نفسك مميز،
لكن يسوع مش بيدور على المميزين…
هو بيدور على القريبين.
اسند راسك عليه،مش علشان تاخد منه…
لكن علشان تكون معاه.
هناك هتلاقي الراحة الحقيقة …
وهناك هتسمع الصوت اللي مش بيتسمع وسط الزحمة.