اتيكتفتره الخطوبه

[مريم فكرى]

فتره الخطوبه

فترة انتقالية لحين إتمام الزواج، وعلى الخطيبين الاستمتاع بتلك الفترة والتقرب كل منهما للآخر، حتى تزيد معرفتهما ببعض، وتتقارب مشاعرهما، كما لهما أن يتشاركا فى أحلام المستقبل وبناء بيت سعيد.. ولكى تنجح الخطوبة فى أن تكون الجسر المؤدى إلى حياة زوجية مستقرة، يجب الحفاظ على بعض الحدود حتى لا نزرع بذرة المشاكل، ونحن فى غفلة الفرحة بالارتباط وتبادل المشاعرالطيبة، وأول تلك الحدود هو الحوار المفتوح الراقى:
البعد عن الابتذال أثناء الحديث وعدم استخدام ألفاظ نابية
البعد عن المقارنة بشخصيات أخرى، سواء على المستوى الشخصى أو العائلى
تجنب الحديث عن أى تجارب سابقة أو حتى سؤال الخطيب أو الخطيبة عن ارتباط سابق
طرح كل الأمور التى تشغل أى من الطرفين وعدم تجنبها فى فترة الخطوبة وتأجيلها إلى ما بعد الزواج
سعة الصدر والتسامح بقدر معتدل،
فمن غير المنطقى أن نتحلى بالسماحة والصبر مع الأصدقاء، بينما نحاكم الطرف
الآخر على كل كلمة ينطقها وكل فكرة يطرحها.

- عدم الإلحاح لمعرفة أى خبر أو معلومة سواء جديدة أو قديمة.
- عدم إفشاء أسرار الأسرة لدى الخطيب أو الخطيبة.
- يجب ألا يسمح أبدا بالحديث عن أمور خادشة للحياء.
- أخيرا ليعلم الجميع أن الحوار الناجح يرتكز على أمرين مهمين هما: حسن الاستماع ونبرة الصوت المعتدلة

النصائح العشرة للبنات علشان متتفضحش قدام خطيبها فى اول خروجة
الأول لازم تعرفي ...إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق. وبعدين تاخدي لقمة.. لقمة.. ب.........العافية.. قال يعني نفسك مسدودة.. اضغطي على اعصابك جداااوبعدين لما تروَّحي.. إبقي حِفِّي زي مانتِ عايزه.

3-الشوووربة.. أبوس كعب رجلك. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر .. وطبعًاااااا عايزك تنسى تمامًا.. السلطانية اللي بتقيميها على بقك في البيت..وتدلدقي على روحك.
طبق الشوربة بانتظام يمكن ان يخفف من الوزن" title="طبق الشوربة بانتظام يمكن ان يخفف من الوزنبالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة..
.

4-الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..


السمك.. مشكلة.. شوفي...بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
6-الجمبري.. إذا كنتي عارفاه-.. أول ماطبق الجمبري ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟
وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت.

7-البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي.
8-لفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.
ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة أنا أودامي أسبوع.. هابطل أكل فيه....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.
لفة الفول والطعمية اللي جايباها معاكى