زوادة اليوم: لِكُلِّ بابٍ مفتاح : 27 / 8 / 2025 /

[souad jaalouk]

زوادة اليوم:
لِكُلِّ بابٍ مفتاح

إنتو يَلّي اليوم واقفين قدّام حَيط مسدود، وشايفين كلّ شي أسوَد بوجكُن، وكلّ بواب الدِني مسكَّرَة قدّامكُن، اسمحولي قِلكُن البواب الكبيرة والعالية، مفاتيحها بتكون كتير زغيرة... من هيك، ما تكَتفُو إيدَيكُن قدّام الأمور الصعبة وتقولو مشاكلنا كتير كبيرة، بالعكس قولو معي :

«يا مشاكل، إلهنا كتير كبير».

الزوّادة بتقلّي وبتقلَّك :

«زِتّ هَمَّك ع الربّ وهوّي بيعينَك».
والله معك.