كل ما تلمسه يدك لا يبقى كما كان

[walaa farouk]

ليتك تباركني يا رب…
تبارك قلبي قبل طريقي، وتبارك خطواتي قبل ما أمشيها،
وتبارك الحلم اللي جوايا قبل ما يتحقق.
باركني مش بس باللي عيني شايفاه،
لكن باركني بحضورك في التفاصيل الصغيرة
اللي محدش بياخد باله منها.

بارك حياتي بالرضا،
بارك عملي بالثمار،
بارك وقتي بالمعنى،
وبارك حلمي بالإتمام بعد التعب.

ليتك تباركني يا إله البركة…
فكل ما تلمسه يدك، لا يبقى كما كان.