فكرة × اية

[walaa farouk]

تخيل معايا كدة رايح تلعب ماتش ومعاك في فريقك محمد صلاح👦🏻
هتبقى حاسس بإيه ⁉️
طيب بلاش
تخيلي معايا كدة رايحة تسهري سهرة حلوة في مكان غالي جداً🤑 ومعاكم مليونير عازمكم أنت ِ وصحابِك على الخروجة كلها 🥳🥳
حالتك إيه في المرتين؟!
مطمن أد إيه؟ بتفكر في إيه؟

في رسالة يوحنا كانت الناس في الوقت ده قلقانة وخايفة، قالهم يوحنا الكلمات دي: "أنتُمْ مِنَ اللهِ أيُّها الأولادُ، وقَدْ غَلَبتُموهُم لأنَّ الّذي فيكُم أعظَمُ مِنَ الّذي في العالَمِ."
طيب هو إيه اللي فيهم ده؟
الترجمات قايلة "الروح القدس الذي فيكم"، أو "الله الذي فيكم"، أو "قوة الله التي فيكم" ومفسرين قالوا: "المسيح الذي يسكن قلوبكم".
👈🏻الحقيقة كل التفسيرات بتقول حاجة واحدة بس... عارف أيه هي⁉️
إن اللي معايا أقوى💪🏻💪🏻
إن اللي عندنا يغلب أي حاجة لو صدقنا واتكلنا 😇😇

آه في ظروف صعبة، لكن اللي معايا أقوى منها🙏🏻
آه في ناس مُتعبين، لكن اللي معايا أشد💪🏻
آه في ذكريات مؤلمة، لكن اللي معايا يقدر يشفيها 🫂
آه في صراعات في شغلي، لكن اللي معايا يقدر يعديني فيها 👌🏻
آه في مشكلة كبيرة في بيتي، لكن اللي معايا عنده الحل، وفي وقته🥰

مرة كمان..
الّذي فيكُم أعظَمُ💜💜