يا رب اللي بنحبهم ميموتوش

[walaa farouk]

يا رب...
اللي بنحبهم ميموتوش، حتى لو مش شايفينهم دلوقتي،
بس لسه عايشين جوانا... في قلبنا، فذكرياتنا
، فكل لحظة علمونا فيها يعني إيه حبك.
إنت يا رب اللي قلت:
"أنا هو القيامة والحياة، اللي يؤمن بيا، ولو مات، هيعيش" (يوحنا ١١:٢٥)
يعني اللي راحوا ما راحوش، دول سبقونا،
رايحين لحضنك الدافي اللي مفيهوش حزن ولا دموع.
والقديس بولس قال كمان:
"ما تحزنوش زي الناس اللي مفيش عندهم رجاء" (١ تسالونيكي ٤:١٣)
إحنا زعلانين آه، بس عندنا رجاء وفرح إننا هنشوفهم تاني في السما.
طبطب على قلبنا يا رب،
واملا قلبنا بسلامك اللي يعدي فوق الفقد والغياب.
خلّي رجاءنا فيك أقوى من الحزن، وسندنا دايمًا بحضورك اللي ما بيفارقناش.
آمين.