الوجود في حد ذاته رسالة بتطمن

[walaa farouk]

في وسط ضغوطاتنا وتجاربنا الصعبة،
ساعات بنكون مش محتاجين كلام كتير،
ولا مواساة مصطنعة، ولا حد يقول لنا نعمل إيه وإيه الحل.
أحيانا كل اللي بنحتاجه هو مجرد وجود شخص جنبنا،
مش لازم يتكلم أو يحاول يفسر اللي بيحصل، لكن بس موجود.

الوجود في حد ذاته رسالة بتطمن: “
أنا شايفك، أنا معاك، مش لوحدك.”
وجود حد قريب مننا وقت الضعف والوجع بيدينا قوة
من غير ما يقول كلمة، بيطمن قلبنا
من غير ما يحاول يلاقي حلول. لأن في الحقيقة
، مش كل حاجة ليها إجابة،
لكن الأكيد إن المحبة الصامتة أقوى من ألف كلمة.

ويمكن ده بالظبط اللي ربنا بيديهولنا في أوقات الألم
، مش شرط نشوف معجزات فورية، لكن بنلاقيه موجود،
في الناس اللي بيبعتهم لنا عشان بس يكونوا حوالينا.
وده في حد ذاته أوقات كتير بيكون كفاية.