|
 |
 |
 |
|
رقم المشاركة : ( 1 )
28 - 01 - 2025, 09:01 PM
|
|||||||||||
|
|||||||||||
 خليك_خادم_واعى "مشاكل المخدومين بقت كتير وصعبة وأنا مش عارف أعمل إيه!" دة حقيقى..المشاكل زادت وتعقّدت.. لكن لو مش قادر تحل المشكلة..افتكر إن فيه حاجة أكبر من الحلول: "الحب".. الحب عنده قوة علاجية أكتر مما تتخيل: لما تحب المخدوم بصدق بتحسسه إنه مش لوحده وإن فيه حد شايفه ومهتم بيه.. مشاعر الحب الصادقة بتبني جواه ثقة بنفسه وبالحياة..وبتخلّيه يلاقي نور في عز ضياعه.. الحب مش بس كلام لكنه تصرفات صغيرة: اهتمامك..احتضانك..أو حتى مجرد وجودك جنبه وقت الأزمة.. دي روشتة للتعامل مع أي حالة صعبة: اغمره بمشاعر حب حقيقية: خلي قلبك مفتوح ليه.. وشجعه..وادعمه بكل الطرق.. صلّي من أجله: ارفع مشكلته قدام الله..واطلب منه الحكمة والتدخل ..هتتفاجئ بإزاي الله هيشتغل في حياته.. استعين بخبراء: لما تحس إن الموقف أكبر منك. .الجأ لمختصين نفسيين أو روحيين ..المساعدة موجودة وبتقدر تغيّر حياتهم.. افتكر دايمًا: إحنا كخدام مش مطالبين نكون الحل لكل حاجة ..لكن إحنا الوسيلة اللي الله بيستخدمها علشان يوصّل حبه للمخدومين. .محبتك ليهم ممكن تكون البداية اللي يفتح بيها ربنا باب الحلول والمعجزات.. 
|
|
العرض الشجري