اه ياحب بعيد . عمري ماشوفته قريب
اه يازمن جابني لورا ..
اه يافراغ قتل الهواء
اه يا ايد بتخبط علي ايد . من حزن وهم وتنكيد
اه ياروح مسكاني وخانقاني. وايديها وصلت لأسناني
اه ياثانيه بتمر بالعافيه
اه ياعيون شايفه كل حاجه شبه التانيه
اه يامكنه ربطتنا في عجلتها ولا الساقيه
اه يافكر بايظ ومخ طاير . وحلم في تحقيقه حنبقي عجايز
اه يازهق في الدنيا . وغيب في الاخره
اه يا عرايس بالطرح داروا الكمايش
اه يا وجع السنين الي راحت .. والي جاي زي الي راحل
اه ياصحوبيه يالي بقيالي هنيه
اه .. واه .. واه
ابن برباره
