|
 |
 |
 |
|
رقم المشاركة : ( 1 )
10 - 09 - 2024, 06:27 PM
|
|||||||||||
|
|||||||||||
 ليه احيانا نصلى من اجل امر معين ونتفاجئ انه بعد الصلاة الامور اتعقدت اكتر ؟؟؟؟ فعلا امر محير كتير مننا جربه .. .ففكرت ارجع للكتاب المقدس المذخر فيه كل حكمة واستنارة وبالفعل لقيت حاجة شبه كده فى سفر الخروج اصحاح ٣ ربنا الح على موسى انه يروح لفرعون علشان يطلق الشعب من مذلتهم ويذهب بهم الى ارض تفيض لبنا وعسلا وموسى وافق بعد مراوغة كثيرة فى سفر الخروج اصحاح ٥ دخل موسى لفرعون وكانت النتيجة سيئة جداااااااااا لان فرعون مش بس رفض يطلق الشعب ده كمان زود عليهم الشغل وبدل ما كان بيديهم التبن وهم يصنعوا الطوب اللبن قال لهم اجمعوا انتوا التبن بقى وتسلمونى نفس كمية الطوب والكتاب يقول👇👇👇 فَرَجَعَ مُوسَى إِلَى الرَّبِّ وَقَالَ: "يَا سَيِّدُ، لِمَاذَا أَسَأْتَ إِلَى هذَا الشَّعْبِ؟ لِمَاذَا أَرْسَلْتَنِي؟ فَإِنَّهُ مُنْذُ دَخَلْتُ إِلَى فِرْعَوْنَ لأَتَكَلَّمَ بِاسْمِكَ، أَسَاءَ إِلَى هذَا الشَّعْبِ. وَأَنْتَ لَمْ تُخَلِّصْ شَعْبَكَ". (خر٥ : ٢٢-٢٣) اسأت الى الشعب.....ولم تخلص شعبك 😱😱😱😱 لما تصلى وتلاقى الدنيا باظت اكتر عاوزك تتخيل سهم هنطلقه بالقوس ....لو احنا عاوزين السهم ينطلق بقوة اكبر لازم نرجعه لورا اكتر واكتر لذلك الفشل الاولانى هو رجوع اكبر للوراء استعدادا لانطلاقة اقوى وهذا ما حدث مع موسى حرفيا فبعد هذا الفشل المبدئى شوف اللى اتقال وَلكِنِّي [[أُقَسِّي]] قَلْبَ فِرْعَوْنَ وَ[[لكى]]أُكَثِّرُ آيَاتِي وَعَجَائِبِي فِي أَرْضِ مِصْرَ. (خر ٧ : ٣) قساوة قلب فرعون كانت سببا فى كثرة الايات والعجائب التى صنعها الله فى ارض مصر ربنا له طرقه وتوقيتاته وخططه انت بس سلم له نفسك وماتفحصش وراه وقوله كتير مش بافهمك بس دايما واثق فيك "لأَنَّ أَفْكَارِي لَيْسَتْ أَفْكَارَكُمْ، وَلاَ طُرُقُكُمْ طُرُقِي، يَقُولُ الرَّبُّ. لأَنَّهُ كَمَا عَلَتِ السَّمَاوَاتُ عَنِ الأَرْضِ، هكَذَا عَلَتْ طُرُقِي عَنْ طُرُقِكُمْ وَأَفْكَارِي عَنْ أَفْكَارِكُمْ. (إش٥٥ : ٨-٩) 
|
|
العرض الشجري