07 - 09 - 2024, 09:48 PM
|
|
|
|
..::| الإدارة العامة |::..
|
|
|
|
|
|
ممكن أول ماقريت السؤال علطول..
افتكرت السؤال اللي اتسألناه واحنا صغيرين
نفسك لما تكبر تطلع إيه؟
بس أنت دلوقت كبرت وفي الأغلب بقيت في مجال معين،
بس أغلبنا واحنا بنقرا السؤال خبطت
صورة في دماغك علطول
زي مثلًا فكرت في مستوى مادي نفسك تعيش فيه،
حاجة نفسك تمتلكها، نجاح نفسك توصله،
سيناريوهات كتير ومختلفة جات في دماغ كل اللي بيقرا
واللي دفعك للسيناريو ده هو النظرة الحياتية
يعني منظومة الأفكار اللي في دماغك بناء عليها
بتفكر وتقيم، فاللي شايف إن الفلوس هي الأهم
فكر في وضع مادي او ممتلكات وهكذا
بس أنا سؤالي دلوقت مش مرتبط بده،
أنا بسألك عاوز تكمل بطريقة عشوائية
لا أنت فاهم نفسك ولا معتقداتك، ولا عاوز تكون واعي
ومصحصح وتتبنى منظومة فكرية صح،
يمكن في ناس مبترجعش تفكر إلا لما بتتخبط جامد،
وهي واقفة قدام حاجات مؤلمة زي الموت أو المصير
الخلاصة أنت اللي بتحدد الكواليتي اللي بتعيش بيها حياتك
|
