زوادة اليوم: السجلّ الذهبي 2024/8/21

[walaa farouk]

زوادة اليوم:
السجلّ الذهبي


بيخبّرو عن مَلك، عند إنتهاء زيارتو لإحدى ولايات مملكتو،
طلب مِنّو الوالي بكلّ إحترام إنّو يترِكلو كلمة على السجِلّ الدهبي.

لاحظ الملك إنّو في حدا قبلو كاتب :

«تعلَّمِت خلال حياتي كلّها أمرين أساسيَّين :
الأوَّل إنّو ما إتعب من المغفرة،
والتاني إنّي ما إنسى المحسنين لإلي».

وشاف كتابة تانية بتقول :

«النسيان البسيط ما بيمنع الغفران من القلب وبإخلاص».

أمّا الملك فكتَب :

«تعلَّمِت من معلّمي يسوع إنّو أغفُر كتير، وإنسى أكتر من الكتير».

الزوّادة بتقلّي وبتقلَّك :

لازم تغفر لخيَّك سبعين مَرَّة سبع مرّات،
من كلّ قلبك، ولازم بعد المغفرة
تنسى كلّ الأعمال يلّي بيسمّوها إساءة، والله معك.