|
 |
 |
 |
|
رقم المشاركة : ( 1 )
12 - 07 - 2024, 12:47 AM
|
|||||||||||
|
|||||||||||
 يارب مش عارفة اشكرك ازاي على قربك ومعيتك وادراك حبك واهتمامك بكل تفصيلة صغيرة او كبيرة في حياتي. واللي بيبهرني اكتر انه بالرغم من إدراكي انه عندك ملايين وملايين من البشر علشان تهتم بيهم وترعاهم، لكن اللي بيوصلني منك كأنه مفيش غيري على وجه الأرض . اشكرك على قيادتك وإرشادك ليا في مواقف كتير مش بابقى عارفة اعمل فيها ايه. بتبهرني بالسلام اللي بتملا بيه قلبي حتى وسط لخبطة كتير وقرارات مهمة لازم اخدها في حياتي وانا ماعنديش ادنى فكرة اعمل فيها ايه واروح بيها لمين. بتبهرني في وقت الانتظار وانا مش عارفة راسي من رجليَّا، بالفرح والتشوق اني اشوفك هتعملها ازاي المرة دي . اشكرك من اجل كل الرصيد اللي مالهوش حدود لتعاملاتك العجيبة وحلولك الغريبة وتدخلاتك الرهيبة في كل موقف او مُعضلة في حياتي. مفيش كلمات تقدر تعبَّر عن ثقتي فيك وامتناني ليك يابويا الغالي 
|
|
العرض الشجري