|
 |
 |
 |
|
رقم المشاركة : ( 1 )
09 - 07 - 2024, 09:27 PM
|
|||||||||||
|
|||||||||||
 جربت قبل كده تكون في علاقة ويبقى نجاحها متوقف على " مين ياخد الخطوة الأولى؟" مين ياخد الخطوة الأولى ويتكلم في المشكلة، مين ياخد الخطوة الأولى ويصالح ويطمن، مين ياخد الخطوة الأولى ويتنازل أو يضحي،.......وغيره. كتير كمان عدينا بوقت صعب جدًا في الحياة، وكمان شعرنا إنه مفيش حاجة بتتغير بالعكس، الموضوع بيتدهور، وفي الآخر بنوصل لمرحلة في علاقتنا مع الله لوضع الصمت... صمت من ناحيتك، يعني خلاص فقدت طاقتك ، مش قادر تتكلم معاه، فقدت الأمل وشايف إن الله مش عايز يتدخل أو يمكن مبقتش تفرق معاه. وصمت من ناحيته، مستني وقت لسه مجاش، أو مثلاً مستني يشوف انت هتعمل إيه؟ هتستسلم للوقت الصعب ومش هتنفض الغبار من عليك بنفسك؟ أو مثلاً مستني ترجع من طريق انت ماشي فيه ومش بتجني غير خسارة، ومع ذلك انت مصمم تكمل فيه. في الوقت الصعب أنت محتاج انك تتكلم وتعبر عن اللي في قلبك، عشان تفهم وعشان ترتاح وعشان تبدأ تاخد الخطوات المطلوبة وانت واثق منها، وتفوق من حزنك، وتنجح العلاقة. 
|
|
العرض الشجري