|
 |
 |
 |
|
رقم المشاركة : ( 1 )
26 - 06 - 2024, 07:15 AM
|
|||||||||||
|
|||||||||||
 كنت هاموت وربنا ستر .. طلع كل اللى معاك ولا تدفن مكانك !! كلمه لاقيت حد ورايا بيقولهالى وانا فى الميكروباص بعد ما كل الناس نزلت ومافضلش غيرى ... الساعه 4 نص الليل ومافيش حد فى الشارع استنجد به .. جيت ابص ورايا لاقيت حاجه اتحطط فى جنبى .. حاولت اعمل ناصح واستنجد بالسواق لاقيت السواق بيقولى اسمع كلامه عشان ترجع لأهلك .. قولتله طيب انا حاليا مش معايا غير 100 جنيه والموابيل ده بتاع الشغل اول مايعرفو انه اتسرق هايتقفل ومش هاتعرف تتصرف فيه ولو بيعته قطع غير مش هايفيدك قوى بس انا معايا الفيزا ... ممكن نطلع اقرب بنك واسحبلك فلوس .... لاقيتهم الاتنين سكتو وواحد منهم قال بص انت شكلك بتحور علينا لكن انا هاصدقك عارف ليه ؟؟ قولتله ليه حضرتك ؟؟ قالى عشان انت شكلك ابن ناس ومش بتاع بهدله قولتله الله يحفظك .. السواق واقف بعيد عن البنك عشان كاميرات البنك ماتصورش العربيه ... راجل ناصح ونزلنا انا والراجل اللى ورايا... قولتله طيب يعنى صاحبك ركن العربيه بعيد ومارضاش ينزل عشان الكاميرات ما تصورهوش وانت مش خايف من الكاميرات تصورك ؟؟ وقف كدا وقالى استنى هنا وبرقلى بعينه وقالى بقولك ايه هات الكارت كدا وانا هاسحب الفلوس وخليك انت فى العربيه ,, عاطيته الباسورد وقالى ولله الباسورد لو غلط ودى حركه عشان تقفل فيها الكارت هاولع فيك قولتله عيب عليك هو العمر بعزقه انا عاوز اروح بيتنا ... راح الراجل يسحب , وفى ثانيه فتحت تليفونى من غير ما السواق يحس وبعت كل حسابى على انستا باى لأخويا .. رجع الراجل بيزعق وبيقول الرصيد صفر .. قولتله صفر ازاى دى كان فيها 5000 جنيه قام مطلع السلاح وحطنى جوه العربيه وعاوز يعورنى ... قولتله لو اخدت الفلوس وعامل الحوار ده قول وانا اكلم اخويا يبعتلى فلوس تانى بس حرام عليك ماتعملش كدا .. السواق حس انى فعلا مش بحور وانى فعلا عاوز اوصل بيتنا سليم وبس .. فا قام مسك صاحبه وبدأ يشد معاه فى الكلام وقاله بقولك الحوار ده انت مش اول مره تعمله فاكر وفاكر وفاكر وقام مقلبله كل القديم اللى صاحبه ده نصب عليه فيه ,, لغايه ما الموضوع بدأ يسخن معاهم وهايمسكوا فى بعض .. لغايه ما مسكوا فى بعض فعلا وبأعجوبه الاهيه فلت منهم وجريت .. الخلاصه اللى عاوز اقولها .. لما تكون فى مشكله مع حد بلاش تنفعل فى اول لحظه خليك هادى خالص واظهر له انك مسالم جدا عشان لما تضرب ضربتك تصيب على طول .. 
|
|
العرض الشجري