|
 |
 |
 |
|
رقم المشاركة : ( 1 )
09 - 05 - 2024, 07:00 AM
|
|||||||||||
|
|||||||||||
 كنت متكسر وبنزف كل حته فيا تعبت والحياة كانت عليا زي كوره وبيا لعبت كنت حاله ومُحْبَطَه والظروف متلغبطه مش بشوف افعال قصادي كنت شبعان طبطبه والشهور عدت عليا جيبي كان مفهوش فلوس كنت اخبط ع المعارف كنت بتعلم دروس ناس بتتلذذ تزل واللي يتعامل بِ غِل واللي غاوي يدوس عليا مني كان دايماً يـ قِل قولت ابعد واستخبى قولت اخد مني هدنه زي فاصل استراحه وارجع اكتب منه عدنا قولت الملم اللي راح قولت اخيط الجراح رغم ضيق الكون عليا كنت حاسس بالبراح اختفيت ، عن كل حاجه قلبي كان مكسىور حزين اختفيت والفترة طالت مش شهور لكن سنين اختفيت والصُحبه هانت والصداقه بجد بانت واللي عشمي اتحط فيهم هم اول يد خانت بعد فترة من صلاتي لما كنت ف خلوتي جه يسوع ليا ف مكاني جه يغير خطتي بص بصه مش ناسيها والجراح ، قام راح ماحيها قالي كل حاجه جايه راح تشوفني معاك وفيها شد ايدي وقالي قوم خير كتير وف انتظارك افتكر كل اما تتعب المسيح جالك وزارك قومت خارج من ثباتي عودت من تاني لحياتي بعد فترة كت طويله جه يسوع حققلي ذاتي من ساعتها النفس فرحت شغلي مش قادر عليه مش بنام من كتر رزقي اللي باخده من ايديه ليل نهار مابقتش فاضي واللي فات هاعتبره ماضي مهما اتأخر هايجي وعده اتحقق قصادي قولت ابشر باللي شوفته واللي عمله كتير عشاني شال بايده من حياتي كل شخص ف يوم آزاني كنت عازر وف مصيره سامري طمعان في بيرُه كنت اعمى العين وفتح كنت مفلوج شال سريره ❤️ 
|
|
| قد تكون مهتم بالمواضيع التالية ايضاً |
| الموضوع |
| بس عندي قلب متكسر بتمني تقبله |
| فكم تعبت عندما حبلت بنا، وكم تعبت في ولادتنا، وتربيتنا |
| أكفينا شر السندة على كتف متكسر |
| مش متكسر أنا متفتفت |
| لن تصدق ماستسمعه فتاة تبكى دما وتنزف من قدميها |
العرض الشجري