كلمتين ودرس: الحل في الحلل

[ريمون أنيس]

كلمتين ودرس يعني كلمتين نتعلم منهما درس هام جداً من كلمة الله وموضوعنا النهارده من سفر الملوك الثاني اصحاح 4 والأعداد 1 - 7

طبعاً قصة مشهورة جداً سمعناها كتير وهى قصة الأرملة اللي المرابي كان عاوز ياخد ابنيها الاتنين عبدين له

تعمل ايه المرأة الارملة المسكينة؟! راحت وصرخت لرجل الله اليشع بثقة غير عادية انه مش هيرجعها الا وهى مجبورة الخاطر

لكن الحل هو اللي كان عجيب فعلاً ان ربنا يستخدم دهنة الزيت القليلة اللي عندها ويبارك فيها على قدر الأوعية (الحلل) اللي استعارتها من جيرانها

وبالتالي كانت الحلل المستعارة دي (الأوعية) هى مفتاح الحل

يمكن تكون حاجة بسيطة يستخدمها ربنا دهنة زيت واوعية أو حلل

لكن وراء كل الحاجات البسيطة دي هى الرب اللي بيبارك وبركته تغني ولا يزيد معها تعب

نشكر الرب لأنه لا يخزي أحد يطلب شيء حسب مشيئته وإرادته وصلاحه وحكمته ومحبته هيتسجيب

لو ضاقت بيك الأحوال تذكر أن حل الأحوال في الحلل زي اللي في قصتنا النهارده