23 - 04 - 2024, 06:55 PM
|
|
|
|
..::| الإدارة العامة |::..
|
|
|
|
|
|
بطرس وهو بيغرق
كان في ١١ واحد علي السفينه محدش فيهم من حبه
رمي نفسه ينقذ بطرس
لكن المسيح مد ايده وانقذ بطرس
فال ١١ تلميذ اول ما طلع بطرس السفينه كله خده بالحضن
واللي قاله كنت بصليلك
واللي قاله كنت قلقان عليك وخايف عليك بس مش عارف اعمل ايه
كل ده مافرقش عند بطرس لان المسيح نفسه هو اللي مدله ايده
حضن الناس وكلام الناس الحلو اللي بيجي بعد ما سابوك في أزمتك بيبقي مالوش قيمه ولا بيتحس
الحب اللي بجد اللي يرمي نفسه في بحر غرقتك الصعبه
ويبقي المهم يساعدك حتي لو مش عارف يعوم
الحب اللي بجد اللي يشوفك غرقان يرمي نفسه
ويخليك ماسك فيه لحد ما تطلع
ورغم ان بطرس غلطان وهايغلط لكن حب المسيح غلبه
وده الحب اللي بجد
مش مهم انك غلطان المهم ابقي جنبك
لكن الحب اللي بيجي بعد إنقاذ المسيح ليك ده اسمه (حفظ ماء الوجه)
المسيح بس اللي يستاهل لانه الوحيد اللي ماسبنيش وانا غرقان
|
