ترنيمة أيام بتاخدنى
1- أيام بتاخدنى منك أوهام فرح وهنا
يوم ببقى ليك والتانى عايش لى أنا
حبيت غيرك لقتنى تعبان وهموم خدتنى
ده اللى بيحبك غيرك قلت انه مايستاهلنى
قرار
أيامى دى أشبار زى شوية بخار
أعمالى دى م القش لو تختبرها النار
كل الجمال بيزول يشبه زهر الحقول
حررنى انا بالحق زى ما الكتاب بيقول
2- شكل يارب فى انا خاضع بين إيديك
لو حتى يوم هاتألم انت تقوينى بيك
ده انا كنت إناء زمان مانفعش غير للهوان
خليتنى إناء كرامه واديتنى حياة كمان
