|
 |
 |
 |
|
رقم المشاركة : ( 1 )
17 - 03 - 2024, 10:31 PM
|
|||||||||||
|
|||||||||||
 من وقت للتاني باحتاج أقف مع نفسي وأعمل تدريب "إحصاء البركات" محتاج أقف وأفكر وأفتكر البركات اللي في حياتي، أشوف إيده وصُنعه فيّ حتى لو في وقت صعب وضغط ينفع أشكر ربنا على كل حلو في حياتي ، ساعتها عيني هتترفع عن كل صعب واستمتع بالحياة بحلوها ومرها ... في مزمور ١٠٣ بدأ داود يقول لنفسه باركي الرب وابتدا يحدد فى نقط البركات اللي بيعيشها.. الَّذِي يَغْفِرُ جَمِيعَ ذُنُوبِكِ. ⬅️ شكرًا أني مقبول ومغفورة خطيتي🙏 الَّذِي يَشْفِي كُلَّ أَمْرَاضِكِ. ⬅️ شكرًا على كل مرض في جسدي ونفسيتي بتشفيهم بكلمة🙏 الَّذِي يَفْدِي مِنَ الْحُفْرَةِ حَيَاتَكِ. ⬅️ شكرًا على مصيبة خرجت منها مش عارف إزاى🙏 الَّذِي يُكَلِّلُكِ بِالرَّحْمَةِ وَالرَّأْفَةِ. ⬅️ شكرًا علشان أنت الإله العادل اللي وجد ليّ الخلاص علشان استمتع برحمتك🙏🙏 اشجعك هات ورقة وقلم وكمل عَد وشكر على بركاته: البيت - العيلة - الشغل - الكنيسة - أشخاص فرقوا في حياتك .... اشجعك كل فترة طلع اللستة وكمل عليها وردد مع داود " بَارِكِي يَا نَفْسِي الرَّبَّ، وَكُلُّ مَا فِي بَاطِنِي لِيُبَارِكِ اسْمَهُ الْقُدُّوسَ. (المزامير ١٠٣: ١)"😍😍🙏 
|
|
العرض الشجري