|
 |
 |
 |
|
رقم المشاركة : ( 1 )
09 - 03 - 2024, 11:44 AM
|
|||||||||||
|
|||||||||||
 حاولت تستخبى قبل كده؟ سألت نفسي السؤال ده وأنا بقرا آدم وحواء عملوا إيه بعد ما أكلوا من الشجرة وحسوا إنهم عريانين 🥹 والحقيقة لاقيت إني عملت زيهم في أشكال وصور كتير منها أشكال روحية ومنها لأ وعلى حسب الموقف ، كل مره كنت عاوز أستخبى من ربنا ومن نفسي ومن الناس وباعمل حاجات عشان محدش ياخد باله من الخراب اللي جوايّ ويفضل الشكل من بره تمام 🙈 والناس مستمرة في التصفيق ( أخدم - أشتغل - شغل بيت وعيال ومسؤوليات-إهتمامات مختلفة -علاقات وناس ) مش فارقة 🥹 ولما الله سأل آدم أين أنت ؟ حسيت بصوت مالي ودني أنت فين يا ……؟؟ الحقيقة عيني اتملت دموع وحسيت، أنا مصمم أوريك الصورة من بره وأنت يارب دايمًا بتبص لجوه… دايمًا مش فارق معاك اللي بعمله بس دايمًا عاوز تصلح الخراب اللي جوايّ .. صديقي هو عارف وفاهم التفاصيل ومدرك أوي اللي أنت حتى مش عارفه عن نفسك ، مش محتاج تعمل حاجة تستخبى بيها بس محتاج تيجي قدامه في بداية يوم جديد وتقوله: وقع كل مآذر مستخبي وراها . . وخليني أشوفك وأعرفك واتعامل معايّ بنعمة تقومني من كل إنحناء 🙇 " أَيْنَ أَذْهَبُ مِنْ رُوحِكَ؟ وَمِنْ وَجْهِكَ أَيْنَ أَهْرُبُ؟" (المزامير ١٣٩: ٧) مش محتاج تستخبى منه ، أنت محتاج تستخبى فيه💜 🌤 
|
|
العرض الشجري