اذكى رساله لصعيدى لابنه

[كبيرة ومحترمه]

ولدي الحبيب

أكتب لك جوابي رقم/ 9871

وان موصلكش قولى وان ابعتهولك مرة تانيه

*أولا انا بكتبلك ببطء علشان عارفك منيل على عينك مش بتعرف تقراء بسرعه

* ثانيا الجواب ده هأرسلهولك مع أخوك عماد وهو دلوقتى نائم انا هحطه في جيبه علشان مينسهوش وأنت عارف ان أخوك مدهول بينسى كثيرا علشان كده انا بقولك من دلوقتى لو نسي يدهولك مد انت يدك في جيبه اليمين وخذه

* بالنسبه للجاكيت الجلد البقرى اللى انت عايزنا نعبتهولك من هنا هيكلفنا كثيرا
في الشحن لان أزراره ثقيله جدا علشان كده عملنا حركة لئيمة وخبيثه خلعنا الأزرار وحطيناها في جيوب الجاكيت

* بالمناسبه أخوك ملاك لقي شغل بعد طول إنتظار وهو دلوقتى عقبال امالتك مسؤول عن يجى 500 نفر تصور؟!

الحمار ده استوظف ودى حقيقه انا مش مصدقها . عارف شغال ايه ؟ شغال فى المدافن مسؤال عن 500مقبرة

* وقبل ما انسى أختك مرزوقه حامل واحنا لحد دلوقتى مش عارفين نوع الجنين ؟!
علشان كده مش قادر اقولك انك بقيت عما أو خالا ؟!

هى بتقول انها لو خلفت ولد هتسميه على أسمي

ودى هتبقي اول مرة حد فى البلد يسمي أبنه "أبويا" !!!

* أخوك ناصح اتنطط وقال تعالوا افسحكم وخدنا على النيل فى بني سويف
رغم اننا عندنا النيل فى سوهاج بس هو قالنا ان النيل لونه اخضر فى بني سويف واحنا عندنا ازرق ( بس يا فرحه ما تمت خدها ناصح وطار ) وقع فى مشكله كبيره

الواد الجاموسه قفل العربيه والمفاتيح جواها واضطر انه يرجع سوهاج يجيب نسخة
المفاتيح التانيه علشان يطلعنا من جوه العربيه ... وباظت الفسحه .

مع حبي / ابوك

المحب الجدع الطيب الحنين العطوف الرومانسي الحساس

ملحوظه رقم واحد / مرفق مع الجواب صورة حديثه ليا ولاخواتك

كان عيد وكنا مستحميين ولابسين الحته اللى على الحبل وجايبين 4 سجاير فرط

وقولنا نتصور اينعم العيد عدي من 3 شهور بس الصور لسه مستلميناه امبارح

اتاخرت اصلها كانت محشورة فى الكاميرا علشان اخواتك كان واقفين

من وراءه وانت عارفهم طوال وهبل

ملحوظه رقم اتنين / هتلاقي الجواب مبلول حبتين اصل نزلت منى

دمعتين وانا بكتبهولك

والهي واحشني يا ابن الكلب

متنساش الحاجات اللى طلبتها منك حتتين القماش الصوف ومتنساش تجيب الطواقي نفس لون القماش
انت عارف ابوك روش ونوزهي ويحب المنظرة

ومتنساش تجيبلنا مروحه اللى ب6 ريش دي هواها يرد الروح ومتنساش العجلة بتاع ابن اختك ومتنساش تجيب شال لأمك واخوك ملاك كان
نفسه تجيبله كاوتش بينور بس يكون اسود
علشان يلبسه على الجلابيه واهو ينفعه ينور طريقه
حتم النور بيقطع عندنا كتير



والسلام ختام . سلامي ليك ولكل اللى عندك

( ابوك جمال من سوهاج بلد المووايل )