|
 |
 |
 |
|
رقم المشاركة : ( 1 )
16 - 01 - 2024, 08:16 AM
|
|||||||||||
|
|||||||||||
|
اسكتش احفاد الحمير الثلاثة  الحمير الثلاثة الكبار مقدمة الاسكتش :- قصة الاسكتش وبدايته تدور حول الحيوانات التى لها تاثير عميق ولها دور عظيم وان الكتاب المقدس لم يغفل عن ذلك لان الرب يسوع خالق الكون اعطى اهتمام لهذا الحيوان وهو الحمار ونحن فى هذه القصص نوضح معرفة الشخصيات المرتبطة بهم. وذلك من خلال :- 1- معرفة القصة الاصلية ولو موجودة فى الكتاب المقدس . 2- توضيح القصة لو موجودة بالكتاب المقدس وفى اى سفر موجودة 3- ان نتعلم ان الطاعة مهمة جدا فى حياتنا وان الحيوانات التى ليس لديها عقل تطيع خالقها فكم بالحرى الانسان . 4- ان يفهم الطفل ان شخصيات الكتاب المقدس هى قصص لحياتنا وان نتعلم من الصح والخطا .. حمار بلعام .. الحمار اللى حمل العدراء مريم والرب يسوع معاهم يوسف النجار ..الحمار اللى حمل الرب يسوع أثناء دخول اورشليم ( الشخصيات حماريكو حماركوكو حماركركر عم شكشك ) حوار مع الثلاثة حمير بيحكوا عن اجدادهم الحمير الثلاثه حمار بلعام .. حمار اللى حمل العائله المقدسه والحمار الذى حمل المسيح الحمار الأول اسمه حماريكو الحمار الثانى حماركوكو الحمار الثالث حمار كركر الشخصية الرابعه عم شكشك يدخل حماريكو حماريكو يااااه الواحد جعان خالص النهارده مفيش اكل خالص ولا شويه حشيش عم شكشك النهارده نايم حتى مش فكر يرمى اكل ليا خالص امممم اعمل ايه اعمل ايه ايوه اروح اشوف حماركوكو وحماركركر يمكن عندهم شويه برسيم ولا اى حاجه الواحد هيموت من الجوع خالص مالص يخرج حماريكو وينادى على أصحابه حماريكو : يا حماركوكو ياحمار كوكو يوووه ده شكله نايم اشوف حماركركر ياحماركركر ياحمار كركر حمار كركر : مين بينادى علينا ادخل تعال حماريكو: انا حماريكو انتوا نايمين ولا ايه حماركركر : لا مستنين عم شكشك هيجيب اكل لينا تعال اقعد معانا اهو جاى فى الطريق تعال عم شكشك : يلا يا حبايبى شويه ليكم نهارده حلوين خالص خالص هتكلوهم كلهم ومحدش هيجوع تانى يرمى عم شكشك الاكل ويخرج ويتخانق الحمير على الاكل مين ياخد الاكثر حماريكو : اوعى كدا الطبق الكبير ده بتاعى انا يا حماركوكو خد انت وحماركركر الطبق ده على اديكم حماركوكو : ليه يعنى احنا هناخد الاكل كله ونقسمه محدش هياكل غير اما نقسمه على الثلاثه بالظبط حماريكو : ازاى يعنى انتوا مش عارفين انا ابن مين ولا ايه شكلكم نسيتوا انا مين حماركركر حماركوكو: يووه هتكون ابن مين يعنى حماريكو: انا جدى جدى جدى الكبير الكبير كان حمار بلعام الوحيد فى الحمير اللى اتكلم زى الناس ونطق زيهم حد يقدر ينكر الكلام ده فاكرين ولالا حماركوكو: يووه عارفين ياعم انتا كل شويه هتقولنا ولا ايه وعارفين ان بلعام كان رايح يلعن شعب اسرائيل لكن ملاك الرب وقف فى الطريق وجدك مقدرش عليه هههههههههههههههههه حماريكو: لا طبعا جدى كان مطيع خالص وشاف الملاك ومرضيش يعدى الطريق وبلعام قعد يضرب فى جدى بالعصايا عشان يمشى وجدى مرضيش واتكلم كمان وقال لبلعام بتضربنى ليه وانه شاف الملاك والانسان بلعام مكانش شايفه انت بقى جدك عمل ايه حماركوكو: يااااه انت فكرتنى ياحماريكو بجدى ده كان حمار عظيم ومحدش فى الحمير استحمل زيه مشوار طويل سنين حماريكو : ياااه سنين كمان ليه عمل ايه حماركوكو : كان شايل القديسة العذراء مريم والطفل يسوع ومعاهم يوسف النجار كمان حماريكو : ايوه انا فاكرسمعت القصه دى وانا كنت قاعد جنب عم شكشك بيقراها وبعدين حصل ايه حماركوكو : دول كانوا هربانين من هيرودس الملك طبعا عشان قتل اطفال بيت لحم وعشان كان عايز يقتل الطفل يسوع فالملاك ظهر ليوسف النجار وقاله اهرب لارض مصر وهربوا على مصر وكمان جدى رجع بيهم تانى اليهودية ولف معاهم مشاوير كتيرخالص بس كان جدى مبسوط خالص مالص معاهم حماريكو: ايوه ياعم يا بختك جدك كان مبسوط خالص عشان معاهم خالق الكون كله وخالقنا احنا كمان ومعاهم القديسة امه العدراء مريم حماريكو : تعال كدا نشوف حماركركر فين كدا حماركوكو : الحق يا حماركوكو ده حمار كركر اخد الاكل كله حمار كركر: انتوا شكلكم مش عارفين انا مين بقى حمار كوكو وحماريكو : يااه هتطلع مين يعنى حماركركر : انا جدى جدى جدى جدى الكبير اللى احنا عليتنا كلها فرحانه بيه ومعلقه صورته فى البيت كمان كلنا بنفتكره كل سنه علطول فى احسن الايام حماريكو : امتى يعنى حماركركر : فى احد الزعف احد الشعانين حماركوكو : عمل ايه جدك الكبير طيب حماركركر: ياااه فكرتونى بجدى ده عمل حاجه عظيمه خالص الرب يسوع المسيح الاله اللى خلق كل حاجه وخلقنا كان رايح اورشاليم واليوم ده كان مربوط وربنا بعت واحد من تلاميذه جاب جدى الكبير ومعاه الاتان جدى الصغير بردو كانوا مربوطين وركب عليهم الرب يسوع والناس كلها قعدت تفرح وتقول مبارك الاتى باسم الرب شوفتوا بقى ايه رايكم فى جدى محدش اكيد عمل زى كدا حماريكو : ده عمل عظيم صح اجدادنا دول كان ليهم دور عظيم وكانوا مفيش خناق خالص المفروض احنا كمان مش نتخانق خالص مالص حماركوكو وحمار كركر: ايوه صح المفروض نحب بعضنا ونوزع على بعض الاكل زى بعض محدش ياخد اكتر من التانى يلا بينا ناكل بقى التعديل الأخير تم بواسطة walaa farouk ; 16 - 01 - 2024 الساعة 01:40 PM 
|
|
العرض الشجري