|
 |
 |
 |
|
رقم المشاركة : ( 1 )
12 - 11 - 2023, 06:03 AM
|
|||||||||||
|
|||||||||||
|
كنت بزور صديقة لمامتي ومكنتش روحت عندها من سنين
ولما دخلت بيتها لاقيته حاله إتغير من بعد هجرة ولادها ووفات زوجها وحالها هي كمان إتغير للأسوء مع إنها هي اللى كانت بتقنع ولادها بالهجرة من وهما أطفال وبتهيألهم كل الظروف لده وبقيت أبص لكل ركن وأقول في نفسي بقى ده البيت اللى كان مليان ضحك وكلام وحركة 😔 ---------------------------------- فلو أنتِ أم وطول ما البيت فيه غسيل كتير ومواعين مش بتخلص وعفش بيتبهدل يبقى فيه ولاد وعيلة قولي الحمد لله متقوليش تعبت من كتر الغسيل اللى مش بيخلص وزهقت بكره الصغيرين يكبروا ويسيبوا البيت وتتمني يوم واحد من أيام لمتهم ترجع استمتعي بجمال المرحلة اللى أنتِ فيها قبل ما تخلص ------------------------------- لو أنتِ جدة وأحفادك بيعملولك صداع من شقاوتهم متزهقيش منهم ده هما ونس البيت لو سافروا وسابوكي هتقولي لو يوم من أيامهم -------------------------------- لو أنتِ بنت وزهقتي من أسئلة مامتك ونصايحها اللى مش على هواكي احمدي ربنا إن في حياتك حد بيحبك ويخاف عليكي الخوف ده كله بكره تعرفي إنك مش هاتقابلي حب شبه كده تاني -------------------------------- لو ولادك مش بيبطلوا نكش في بعض فسبيهم يعملوا ذكريات هتربط بينهم طول العمرحتي لو بيعملولك دوشه وظبطي حالك إنك مثلًا تغيري مكانك لو دوشينك بدل ما تكبتيهم هما -------------------------- لكل مرحلة جمالها وعيوبها وبتخلص بسرعة حاولي تشوفي جمالها وتستمتعي بيه قبل ما تخلص وأنتِ مضيعة حياتك على الشكوي من عيوبها وبس ----------------------------- 🙂الذكريات الجميلة هي رصيدك من السعادة لسنين .... 
|
|
| قد تكون مهتم بالمواضيع التالية ايضاً |
| الموضوع |
| احمي اطفالنا |
| الأهلي يكشف حقيقة الاستغناء عن عماد متعب |
| التفكير أكثر متعة من المعرفة، ولكن أقل متعة من النظر |
| كيف نزرع الثقة في نفس اطفالنا؟ |
| كيف نقي اطفالنا من البدانة ؟ |
العرض الشجري