مَنْ أَعْطَاكَ هَذَا السُّلْطَانَ

[Mary Naeem]

27وَجَاءُوا أَيْضاً إِلَى أُورُشَلِيمَ. وَفِيمَا هُوَ يَمْشِي فِي الْهَيْكَلِ، أَقْبَلَ إِلَيْهِ رُؤَسَاءُ الْكَهَنَةِ وَالْكَتَبَةُ وَالشُّيُوخُ، 28وَقَالُوا لَهُ: «بِأَيِّ سُلْطَانٍ تَفْعَلُ هَذَا؟ وَمَنْ أَعْطَاكَ هَذَا السُّلْطَانَ حَتَّى تَفْعَلَ هَذَا؟» 29فَأَجَابَ يَسُوعُ وَقَالَ لَهُمْ: «وَأَنَا أَيْضاً أَسْأَلُكُمْ كَلِمَةً وَاحِدَةً. أَجِيبُونِي، فَأَقُولَ لَكُمْ بِأَيِّ سُلْطَانٍ أَفْعَلُ هَذَا 30مَعْمُودِيَّةُ يُوحَنَّا: مِنَ السَّمَاءِ كَانَتْ أَمْ مِنَ النَّاسِ؟ أَجِيبُونِي». 31فَفَكَّرُوا فِي أَنْفُسِهِمْ قَائِلِينَ: «إِنْ قُلْنَا: مِنَ السَّمَاءِ، يَقُولُ: فَلِمَاذَا لَمْ تُؤْمِنُوا بِهِ؟ 32وَإِنْ قُلْنَا: مِنَ النَّاسِ». فَخَافُوا الشَّعْبَ. لأَنَّ يُوحَنَّا كَانَ عِنْدَ الْجَمِيعِ أَنَّهُ بِالْحَقِيقَةِ نَبِيٌّ. 33فَأَجَابُوا وَقَالوا لِيَسوع: «لاَ نَعْلَمُ». فَأَجَابَ يَسُوعُ وَقَالَ لَهُمْ: «وَلاَ أَنَا أَقُولُ لَكُمْ بِأَيِّ سُلْطَانٍ أَفْعَلُ هَذَا».
السيد المسيح كان فى هذا الوقت من الأسبوع الأخير قبل الصلب بيروح يبيت فى بيت عنيا ويرجع فى الصباح لأورشليم والمسافة بينهم قريبة جدا بتتمشى على الرجلين فى وقت قليل حوالى نصف ساعة , وكما قلت فى تأملاتنا فى هذا الجزء من أنجيل معلمنا متى أنه جاء إليه الرؤوس الكبيرة بتاعة إسرائيل وكلها أتجمعت , وقالوا ليه هذا السلطان أنت جايبه منين ومين اللى أعطاه ليك , يعنى أنت اللى أعطيته لنفسك أو معاك إرسالية من ربنا أو أيه بالضبط , وحانشوف أن السيد المسيح حايرد عليهم زى ما هم بيكلموه يعنى يسألوه سؤال حا يسألهم سؤال , فسألهم يوحنا المعمدان هذا كان بيعمد بأى سلطان , فهل هو بسلطان السماء أو بسلطان الناس يعنى من نفسه , ففكروا فى نفسهم وقالوا أن قلنا من السماء فيقول فلماذا لم تؤمنوا بيه وخاصة أن يوحنا شهد بمنتهى الوضوح لشخص السيد المسيح , من يأتى بعدى هو أقوى منى .. وهوذا حمل الله الذى يرفع خطية العالم , ودى كانت مشكلتهم أنهم لو قالوا من السماء فالمسيح حايقول ليهم على طول طيب يبقى تصدقوه وهو شهد عنى , وقالوا لو قلنا له ده هو بيعمل كده حاجة هو بيبتدعها وكان بيعمد من نفسه , فخافوا أن الشعب قد يثور عليهم , طيب ليه ؟ لأن يوحنا كان عند الجميع بالحقيقة نبى يعنى شىء متأكدين منه مافيهاش فصال , وكانت إجابتهم للسيد المسيح ما نعرفش ولذلك أجابهم السيد المسيح ولا أنا أقول لكم بأى سلطان أفعل هذا , طيب ليه قال السيد المسيح كده؟ طبعا لأنهم مش حا يصدقوا لو قال ليهم أنا من الله وهذا فى الواقع اللى قاله السيد المسيح فى الآخر قدام قيافا رئيس الكهنة (ستبصرون أبن الإنسان عن يمين القوة فى الأعالى ) فقام قيافا شاقق هدومه , والسيد المسيح هنا بيجاوبهم بنفس الأسلوب اللى هم بيستخدموه .